శ్రీశాంత్‌ను పోలీసులు ఎలా పట్టుకున్నారు?

Posted: 05/17/2013 08:52 PM IST

పోలీసులు ముందుగా శ్రీశాంత్ పై కొన్ని రోజుల నుండి నిఘా పెట్టారు. సరైన ఆధారం కోసం వేట సాగించారు పోలీసులు. శ్రీశాంత్, చవాన్ బుక్కీ మిథానియాను కలవడానికి లోనికి వెళ్లారు. పోలీసులు బార్ వెలుపల నిరీక్షిస్తూ ఉండిపోయారు. ఢిల్లీ పోలీసులు ముంబై క్రైమ్ బ్రాంచ్ సహాయం తీసుకున్నారు. శ్రీశాంత్, అతని ఇద్దరు సహచరుల ప్రతి కదలికపై పోలీసులు కన్నేసి ఉంచారు. స్టేడియం నుంచి బయటకు వెళ్లిన శ్రీశాంత్‌ను అనుసరించారు. పబ్‌లో అరగంట పాటు ఉండి అంకిత్ చవాన్ పబ్ నుంచి బయటకు వచ్చాడు.

ఓ పోలీసు బృందం అతన్ని అనుసరించింది. వారిపై కన్నేసిన పోలీసులు వారిని వెంటాడారు. అప్పటికి శ్రీశాంత్ పబ్‌లో మిథానియాతోనే ఉన్నాడు. గురువారం తెల్లవారు జామున ఒంటి గంటన్నర ప్రాంతంలో పబ్ నుంచి బయటకు వచ్చాడు. కారులో ఎక్కి డ్రైవ్ చేయడం ప్రారంభించాడు. మిథానియా కూడా బయటకు వచ్చి మరో కారులో బయలుదేరాడు. వారిని పోలీసులు అనుసరించారు. మోతీ మహల్ వద్ద పోలీసులు శ్రీశాంత్ కారును అడ్డగించారు. కారులో ముగ్గురు మహిళలు కూడా ఉన్నారు. వారిని పోలీసులు ప్రశ్నించారు. అయితే శ్రీశాంత్ నుండి ఎలాంటి సమాధానం రాలేదు.

శ్రీశాంత్‌ను పోలీసులు అర్థరాత్రి వెంటాడి పట్టుకున్నారు. అర్థరాత్రికి ముందు ముంబై ఇండియన్స్, రాజస్థాన్ రాయల్స్ జట్ల మధ్య ముంబైలోని వాంఖడే స్టేడియంలో మ్యాచ్ ముగిసిన తర్వాత శ్రీశాంత్, చవాన్ బాంద్రా వెస్ట్‌లోని ఓ పబ్‌కు వెళ్లారు. ఈలోగా ఓ పోలీసు బృందం లింకింగ్ రోడ్డు వద్ద మిథానియాను అరెస్టు చేశారు. శ్రీశాంత్ జట్టు సహచరుడు చండిలను ట్రైడెంట్ హోటల్‌లో అరెస్టు చేశారు. శ్రీశాంత్, అంకిత్ చవాన్, అజిత్ చండిల ఫిక్స్ చేసిన మూడు మ్యాచుల క్లిప్పింగ్‌లను పోలీసులు మీడియాకు చూపించిన విషయం తెలిసిందే.

క్రికెటర్లకు, బుక్కీలకు మధ్య జరిగిన సంభాషణలను కూడా పోలీసులు వెల్లడించారు. ఇంటర్‌కాంటినెంటల్ హోటల్ చేరుకోగానే పోలీసులు అతన్ని అరెస్టు చేశారు. అయితే క్రికెట్ అభిమానులు మాత్రం శ్రీశాంత్ ను కావాలని ఎవరు ఇరికించారు. ముందుగా ఒక ప్లాన్ ప్రకారం పోలీసులతో కలిసిపోయి శ్రీశాంత్ ను పోలీసులకు పట్టించినట్లు క్రికెట్ అభిమానులు అంటున్నారు. శ్రీశాంత్ మాత్రం అమ్మాయిలతో ఎంజాయ్ చేస్తాడు కానీ, ఇలాంటి ఫిక్సింగ్ లు చెయ్యడని కొంతమంది ముంబాయి గర్ల్స్ అంటున్నారు. ఈ విషయంలో శ్రీశాంత్ చెబితే గానీ అసలు నిజాలు బయటకు రావాని క్రికెట్ అభిమానులు అంటున్నారు.