మీనా ఆగ్రహం-వారిని జైళ్లో పెట్టండి?

Posted: 06/27/2014 01:45 PM IST

Collector asks 118 unrecognised private schools to shut shop

మీనా ఆవేశంతో ఊగిపోయారు. కాదు... కాదు ఆవేశంగా రెచ్చిపోయి.. వెంటనే వారిని అరెస్టు చేసి .. జైల్లో పెట్టండని ఆదేశాలు జారీ చేయటం జరిగింది. అసలు మీనాకు అంతగా ఆవేశం కలగటానికి కారణం ఉంది. ఇటీవల కాలంలో.. విద్య అనేది ఒక వ్యాపారం అయిన విషయం తెలిసిందే. ప్రైవేటు పాఠశాలల యాజమాన్యాలు ఎంత మొత్తంలో ఫీజులు వసూలు చేస్తున్నాయో లిఖిత పూర్వకంగా జాబితాలు ఇవ్వండిన అడిగితే ఏకంగా 770 పాఠశాలలు స్పందించలేదు.

దీంతో కేసిఆర్ సర్కార్ ఆదేశాలు పాటించని ఆయా యాజమాన్యాలపై చర్యలు తీసుకొని, వెంటనే వారిని అరెస్ట్ చేసి జైల్లో పెట్టండని హైదరబాద్ జిల్లా కలెక్టర్ ముఖేశ్ కుమార్ మీనా ఆగ్రహం వ్యక్తం చేశారు. విద్యాశాఖ అధికారుల సమీక్ష సమావేశంలో ఆయన ప్రైవేటు బడుల తీరుపై ఆగ్రహం వ్యక్తం చేయటం జరిగింది. హైదరాబాద్ నగరంలో 2107 ప్రైవేటు బడులు ఎంత మొత్తంలో ఫీజులు వసూలు చేస్తున్నాయో వెల్లడించాలని పక్షం రోజల కిందట జిల్లా కలెక్టర్ ఆదేశించారు.

అయితే నగరంలో 770 పాఠశాలు స్పందించకపోవడాన్ని కలెక్టర్ తప్పుబట్టారు. ప్రాథమిక పాఠశాలల్లో ఏడాదికి రూ. 9 వేలు, ఉన్నత పాఠశాల్లో రూ. 12 వేలు మాత్రమే రుసుములు రూపేణా తీసుకోవాల్సి ఉంటుందని, అంతకు మించి ఒక్క పైసా కూడా ఎక్కువుగా తీసుకోవద్దని ఆయన ప్రైవేటు పాఠశాలలకు సూచించారు. కానీ నగరంలో 99 శాతం పాఠశాలలు నిబంధనల్ని తుంగలో తొక్కటంతో.. ఆయన ఆగ్రహం వ్యక్తం చేయటం జరిగింది.

మనం ఇక్కడ కూర్చున్నది చట్టాల్ని అమలు చేయటానికి మాత్రమే. విద్యాశాఖకు కొన్ని జీవోలు , చట్టాలు నిబంధనలు ఉన్నాయి. వాటిని అమలు చేయకుంటే మాత్రం మీరంతా ఆయా కూర్చీల్లోంచి లేసి వెళ్లిపోండి? అని మీనా అధికారులు పై మండిపడ్డారు. మనం సమాచారం అడిగితే ఇవ్వని పాఠశాలలకు తాళం వేసి, నిర్వాహకుల్ని అరెస్టు చేయించి జైల్లో పెట్టించండి అంటూ ఆగ్రహం వ్యక్తం చేయటం జరిగింది. కేవల మూడు రోజుల్లో అన్ని ప్రైవేటు పాఠశాలల్లో ఎంత మొత్తంలో ఫీజులు చెల్లించాలో ప్లెక్సీల రూపంలో ప్రకటన బోర్డులు ఏర్పాటు చేయించాలని డీఈవోను ఆదేశించారు.