పెషావర్ పాశవిక దాడికి కుట్ర చేసింది భారతేనట !

Posted: 12/18/2014 08:29 AM IST

పాక్ మాజి సైనిక అధ్యక్షుడు పర్వేజ్ ముషార్రఫ్ గారు భారత్ పై అక్కసును మరోసారి వెళ్ళగక్కారు. ప్రపంచ దేశాలన్నిటిని విషాదంలోకి నెట్టిన పెషావర్ ఘటనకు భారత్ కారణమని నిందిస్తున్నాడు. మిగతా దేశాలన్ని భారత్ అందిస్తున్న సహకారాన్ని మెచ్చుకుంటుంటే ఈయన గారు మాత్రం ఉపఖండం దాడికి ఉసిగొల్పిందని ఆరోపిస్తున్నారు. ఇందుకు ఆధారం ఏమిటని ప్రశ్నిస్తే.., పాక్ తాలిబన్ కమాండర్ ఫజులుల్లానే అని సెలవిస్తున్నాడు. ఫజులుల్లా ఆఫ్ఘన్ జాతీయుడనీ.., అతడికి భారత్ కు చెందిన రీసెర్చ్ అండ్ అనాలసిస్ వింగ్ శిక్షణ ఇచ్చిందని ఆరోపించాడు. అందువల్లే చిన్నారులను కిరాతకంగా చంపగలిగారని సంబంధంలేని మాటలు చెప్తున్నాడు.

పాక్ పై దాడి చేసేలా ఆఫ్ఘన్, భారత్ కుట్రలు చేస్తున్నాయని చెప్పాడు. ఇక పిల్లికి ఎలక సాక్ష్యం అన్నట్లుగా..., పర్వేజ్ కు హఫీజ్ కూడా తోడయ్యాడు. పెషావర్ పాశవికానికి భారత దేశమే కారణమని వేలెత్తి చూపుతున్నాడీ ఉగ్రవాది. జమాత్ ఉద్ దావా అనే సంస్థను నడిపి ముంబై పేలుళ్ళకు ప్లాన్ గీసిన హఫీజ్.., సైనిక పాఠశాలపై భారత్ సహకారంతోనే దాడి జరిగిందని చెప్తున్నాడు. ఆఫ్ఘన్ లో అమెరికా దళాలకు సహకారంగా భారత్ దళాలను పంపుతోందన్నారు. అదేవిధంగా కాశ్మీర్ లోని తమ సోదరులకు సహకరించేందుకు ముజాహిదీన్ లు కూడా కదులుతారని మరోసారి హెచ్చరించాడు.

 

కార్తిక్