మందుబాబులూ జాగ్రత్త ! ఎంత తాగితే అంత శిక్ష వేస్తున్నారు !

Posted: 12/19/2014 07:31 AM IST

ప్రభుత్వానికి టాక్స్ చెల్లించేవారమని సినిమాల్లో గొప్పగా చెప్పుకునే మందుబాబులకు ఈ తీర్పు షాక్ ఇవ్వనుంది. వార్త వింటే కిక్కు దిగి జైలు ఊచలు లెక్కపెట్టవచ్చు. ఎంత పనికి అంతే వేతనం అన్నట్లుగా.., ఎంత తాగితే అంత శిక్ష అని కొత్త విధానం అమలు చేస్తున్నారు. హైదరాబాద్ మూడవ మెట్రోపాలిటన్ కోర్టు జడ్జి రాధిక, నాల్గవ మెట్రోపాలిటన్ కోర్టు జడ్జి శివశంకర్ ఈ తీర్పుకు శ్రీకారం చుట్టారు. డ్రంక్ అండ్ డ్రైవ్ లో పట్టుబడన కొందరికి గురువారం రోజు ఈ విధంగా శిక్షలు విధించారు.

ఒకరికి రెండు నెలల జైలు శిక్ష, ఇద్దరికి నెల రోజుల జైలు, ఒకరికి పదిహేను రోజుల, మరో నలుగురికి పది రోజులు, కొందరికి మూడ్రోజులతో పాటు, ఒకరికి కేవలం ఒకేరోజు కోర్టు ఆవరణలో ఉండే శిక్ష విధించారు. ఇలాంటి శిక్షలు విధించటం తొలిసారి కావటంతో పాటు సంచలనం కూడా. రోడ్డు ప్రమాదాలు, మందు బాబుల వల్ల అమాయకులు బలికావద్దనే కఠిన నిర్ణయాలు తీసుకున్నట్లు పోలిసు ఉన్నతాధికారులు చెప్తున్నారు. ఇక రెండవసారి పట్టుబడితే రెండేళ్లవరకు జైలు శిక్షపడే అవకాశం ఉందట. సో జాగ్రత్తగా  ఉండకండి. మందు మానేయండి కాదని తాగితే బయటికెళ్లటం మానేయండి. అదీ కాదని తాగి బయటుక వెళ్తే జైలు లోపలికి వెళ్ళక తప్పదు.

 

కార్తిక్