ప్లీజ్.. ! మాకూ వయస్సు పెంచండి?

Posted: 06/30/2014 06:34 AM IST

సార్.. మాకూ వయస్సు పెంచండి? అని అడుక్కుంటున్నారు. తెలంగాణ ఉద్యోగులు. ఆంధ్రప్రదేశ్ ప్రభుత్వం ఉద్యోగులకు పెంచినట్లుగా మాకు రిటైర్మెంట్ వయస్సును పెంచాలని టిఎన్జీఓ తెలంగాణ రాష్ట్ర ప్రభుత్వాన్ని కోరింది. తెలంగాణ ఎన్జీవోల కార్యవర్గ సమావేశం జరిగింది. ఈ సందర్భంగా ఉద్యోగ సంఘాలు పలు నిర్ణయాలు తీసుకున్నారు. అనంతరం సీఎం కేసీఆర్ ను కలిసి తమ కోర్కెల చిట్టాను సమర్పించినట్లు సమాచారం. సమావేశంలో ప్రధానంగా రిటైర్మెంట్ వయస్సుపైనే జరిగింది.

ఆంధ్రప్రదేశ్ ప్రభుత్వం రిటైర్మెంట్ వయస్సు 60 ఏళ్లకు పెంచినట్లుగానే ఇక్కడ అమలు చేయాలని కోరినట్లు తెలుస్తోంది. అలాగే ఉద్యోగుల భర్తీకి నోటిఫికేషన్ విడుదల చేయాలని తెలంగాణ ఎన్జీఓ కోరినట్లు తెలుస్తోంది. పోలవరం ఆర్డినెన్స్ కు వ్యతిరేకంగా జరిగే ఆందోళనలకు మద్దతివ్వాలని తీర్మానించినట్లు తెలుస్తోంది.

ఇదిలా ఉంటే రిటైర్మెంట్ విషయంలో టిఆర్ఎస్ ఎన్నికలకు ముందు టిఆర్ఎస్ ఎలాంటి హామీనివ్వలేదని, దీనికి తెలంగాణ ప్రభుత్వం సానుకూలంగా స్పందించే అవకాశాలు తక్కువగా ఉన్నాయని వార్తలు వస్తున్నాయి. వీరికి రెండు సంవత్సరాలు పెంచడం వల్ల నిరుద్యోగులకు ఉద్యోగ అవకాశాలు దక్కడం కష్టమేనని తెలుస్తోంది. అంతేగాకుండా ఇప్పటి వరకు ఉద్యోగుల విభజనలో స్పష్టత రాలేదు.

తెలంగాణ ముఖ్యమంత్రి కల్వకుంట్ల చంద్రశేఖరరావు.. ఆంద్రప్రదేశ్ ముఖ్యమంత్రి చంద్రబాబు నాయుడితో అన్నీట్లో ను పోటీపడుతున్న విషయం తెలిసిందే. అయితే ఇప్పుడు తెలంగాణ ఉద్యోగుల కోరికల చిట్టాపై ఎలాంటి నిర్ణయం తీసుకుంటాడో వేచి చూద్దాం.

RS