EAMCET కౌన్సెలింగ్‌పై స్టే- స్థానికత పైన ఉమ్మడి రాష్ట్రంలోని నిబంధనలే

Posted: 08/04/2014 02:45 PM IST

Supreme court issued interim stay on eamcet counseling

ఎంసెట్ కౌన్సెలింగ్‌పై న్యాయస్థానం సోమవారం విచారణ జరిపి,స్థానికత పైన ఉమ్మడి రాష్ట్రంలోని నిబంధనలే వర్తిస్తాయని ,ఆగస్టు 31వ తేదీ లోగా అడ్మిషన్ల ప్రక్రియ పూర్తి చేయాలని ఆదేశిస్తూ తదుపరి విచారణను సోమవారం (11వ తేదీ) నాటికి వాయిదా వేసింది. ఎంసెట్ కౌన్సెలింగ్‌పై సుప్రీంకోర్టు సోమవారం మధ్యంతర ఉత్తర్వులు ఇచ్చింది.

స్థానికత అంశం రాష్ట్రపతి ఉత్తర్వుల ప్రకారం ఉంటుందని, స్థానికత అంశం అడ్మిషన్లకు ముడిపెట్టవద్దని థర్మాసనం పేర్కొంది. విద్యార్థుల భవిష్యత్తుతో రాజకీయాలు వద్దని సుప్రీం ఇరు రాష్ట్ర ప్రభుత్వాలకు హితవు పలికింది. సెప్టెంబరు మొదటి వారంలో తరగతులను ప్రారంభించాలని ఆదేశించింది.

కౌన్సెలింగ్ కోసం అక్టోబర్ వరకు సమయమివ్వాలని తెలంగాణ ప్రభుత్వం సుప్రీం కోర్టును ఆశ్రయించిన విషయం తెలిసిందే. అయితే, ఆంధ్రప్రదేశ్ ప్రభుత్వం వెంటనే కౌన్సెలింగ్ ప్రారంభించాలని కోరిన విషయం విధితమే. రాష్ట్ర విభజనకు, విద్యార్థులకు సంబంధం లేదని తెలిపింది.

విద్యార్థుల భవిష్యత్తు పైన రాజకీయాలు వద్దని హితవు పలికింది. సెప్టెంబరు మొదటి వారంలో తరగతులు ప్రారంభించాలని న్యాయస్థానం ఆదేశించింది. సమయం ఇస్తే సమస్యలు పెరుగుతాయని, ప్రవేశాల పైన రాజకీయ ప్రభావం ఏమాత్రం ఉండవద్దని, విద్యార్థుల పైన విభజన ప్రభావం పడవద్దని, తెలంగాణ, ఆంధ్రా విద్యార్థులంటూ వేర్వేరుగా చూడొద్దని సుప్రీంకోర్టు హితవు పలికింది. ఉన్నత విద్యామండలి నోటిఫికేషన్ ప్రకారం కౌన్సెలింగ్‌కు వెళ్లాలని ఆదేశించింది. పూర్తి స్థాయి తీర్పును సోమవారం (11న) సుప్రీం కోర్టు వెల్లడించనుంది.

సుప్రింకోర్టు తీర్పు తమ వాదనను బలపరిచిందని విద్యా మంత్రి గంటా శ్రీనివాసరావు అన్నారు.ఎవరైనా రాజ్యాంగానికి అనుకూలంగానే వ్యవహరించాలని స్ఫష్టమైందని ఆయన అన్నారు.

మంత్రి కిషోర్ మాట్లాడుతూ తాము మొదటి నుంచి ఇదే విషయం చెబుతున్నామని అన్నారు.స్థానికత అని,మరొకటని చెబుతూ లేనిపోని వివాదాలు సృష్టిస్తూ తెలంగాణ ప్రభుత్వం పొమ్మనకుండా పొగ పెట్టడానికి ప్రయత్నం చేసిందని ఆయన అన్నారు.స్థానికత మీద గందరగోళం సృష్టించడం ద్వారా రాజకీయ లబ్ది పొందడానికి తెలంగాణ ప్రభుత్వం ప్రయత్నించిందని కిషోర్ అన్నారు. విద్యార్ధుల విషయంలో రాజకీయం చేయరాదని తాము మొదటి నుంచి అబిప్రాయపడుతున్నామని ఆయన చెప్పారు.

సుప్రింకోర్టు ప్రత్యేకంగా తీర్పు ఇవ్వలేదని,వారు అబిప్రాయం మాత్రమే చెప్పారని టిఆర్ఎస్ ఎమ్.పి వినోద్ వ్యాఖ్యానించారు.న్యాయమూర్తులు వ్యాఖ్యలు చేస్తుంటారని,పూర్తి తీర్పు కాపీ వచ్చాక తెలంగాణ ప్రభుత్వం స్పందిస్తుందని వినోద్ అన్నారు. సుప్రింకోర్టు ఇచ్చిన తీర్పును ఎవరైనా పాటించవలసి ఉంటుందని అన్నారు.