రుణం తీర్చుకుంటున్న చంద్రబాబు

Posted: 08/09/2014 04:23 PM IST

విశాఖజిల్లా పర్యాటనలో ముఖ్యమంత్రి చంద్రబాబునాయుడికి  పార్టీ శ్రేణులు ఘన స్వాగతం పలికారు. అక్కడి నుండి బయలు దేరిన బాబు గాజువాకలో వున్న ప్రజలను ఉద్దేశించి వ్యాఖ్యానించారు. నూకలమ్మ ఆలయాన్ని దర్శించిన బాబు గంధవరం, గజపతినగరం తదితర ప్రాంతాలలో రైతులనుద్దేశించి ఇలా వ్యాఖానించారు. ‘‘వస్తున్నా మీకోసం’’ పాదయాత్ర సందర్భంలో రైతులకు చేసిన రుణమాఫి వాగ్దానం నెరవేరుస్తా’’నన్నారు. ‘‘ఎన్ని సమస్యలు ఎదురైనా రుణమాఫి చేసి తీరుతాం, రుణాలు చెల్లించిన ఇప్పటికి చెల్లించని బంగారంపై వ్యవసాయ రుణ మాఫి చేసి తీరుతామని’’ ప్రజలకు భరోసా ఇచ్చారు.

ఈ నేపథ్యంలో ఆయన మాట్లాడుతూ... ఈ ఏడాది వర్షాలు లేని కారణంగా రాబోయే ఐదేళ్ళలో కరువురహిత రాష్ట్రంగా తీర్చిదిద్దేందుకు ఇప్పటి నుండి చర్యలు తీసుకుంటున్నామన్నారు. రాష్ట్రంలో చెరుకు దిగుబడులు హెక్టారుకు 50 నుండి 150 టన్నులు పెరగాలని బాబు అశించారు. అక్టోబరు 2 నుంచి వృద్దాప్య, వితతంతు 1000 రూ. ఫించన్లు, వికలాంగులకు 1500 రూ. చొప్పున చల్లించనున్నట్లు ప్రకటించారు. ఎన్టీఆర్ ఆరోగ్యశ్రీ పథకాన్ని పేదలకు అందేలా ఏర్పాట్లు చేస్తానన్నారు. ఇంకా తదితర విషయాల గురించి ప్రస్తావిస్తూ ఇంకా ఎన్నో కార్యక్రమాలు ప్రవేశపేట్టాలనే ఆలోచనలున్నాయని ఆయన పేర్కొన్నారు.