పరిటాల కేసు రీ-ఓపెన్: పత్తిపాటి

Posted: 08/24/2014 11:02 AM IST

Paritala ravi murder case to reopen jagan prosecution pattipati pullarao

దివంగత నేత పరిటాల రవి హత్యోదంతంపై పునర్విచారణ జరిపే అంశం ప్రభుత్వ పరిశీలనలో ఉందని రాష్ట్ర వ్యవసాయశాఖ మంత్రి పత్తిపాటి పుల్లారావు శనివారం అన్నారు. గుంటూరులోని జిల్లా తెలుగుదేశం పార్టీ కార్యాలయం ఎన్టీఆర్ భవన్‌లో విలేఖరులతో మాట్లాడారు.

పరిటాల రవి హత్యకేసులో ఎవరిని అడిగినా జగన్‌ పాత్ర గురించి చెప్తారని మంత్రి అన్నారు.పరిటాల రవి హత్యకేసుపై పునర్‌విచారణ చేయాలని టిడిపి కార్యకర్తలు కోరుతున్నట్లు సునీత తెలిపారు. అసెంబ్లీలో దౌర్జన్యాలు చేయాలనుకోవడం మంచి పద్దతి కాదని జగన్‌కు సునీత సూచించారు. జగన్ సభలో ఇలా వ్యవహరిస్తే ఊరుకునేది లేదని హెచ్చరించారు.

పత్తిపాటి,వైయస్సార్ కాంగ్రెసు పార్టీ అధ్యక్షులు వైయస్ జగన్మోహన్ రెడ్డి లాంటి వ్యక్తి ప్రతిపక్ష నేతగా ఉండటం రాష్ట్ర ప్రజల దురదృష్టమన్నారు. శాంతిభద్రతలపై వాస్తవాలను వినలేక జగన్ అండ్ కో సభ నుంచి పారిపోయారన్నారు. వాస్తవానికి జగన్‌కు జైలు - అసెంబ్లీలకు తేడా తెలియదని ఎద్దేవా చేశారు.

రాష్ట్ర ప్రజలందరి మనోభావాలను అద్దంపట్టే శాసనసభ దేవాలయం లాంటిదన్నారు. సభలో చర్చ జరిగితే తమ నేరిచరిత్ర అంతా బయటకు వస్తుందనే భయంతోనే ఆయన వాకౌట్‌చేసి పారిపోయారన్నారు. అసలు శాంతిభద్రతలపై మాట్లాడే అర్హత, నైతికత జగన్‌కు లేదన్నారు. రుణమాఫీ ప్రక్రియను రెండునెలల్లోగా పూర్తిచేసేందుకు అన్ని చర్యలూ తీసుకుంటోందని పుల్లారావు పేర్కొన్నారు. బడ్జెట్‌లో 5వేల కోట్లరూపాయలు మాత్రమే కేటాయించినప్పటికీ సర్కారుకు వివిధ కీలకశాఖల ద్వారా వచ్చే ఆదాయాన్ని సెక్యూరిటైజ్ చేయడం ద్వారా నిధులను సేకరిస్తామని తెలిపారు.