మహిళా హోంగార్డు రేప్, హత్య

Posted: 09/05/2014 01:42 PM IST

దేశంలో సాధారణ ఆడవారికే కాదు రక్షణ కల్పించే ఆడపోలిసులకు కూడా రక్షణ లేకుండా పోయింది. హైదరాబాద్ శివారులో ఓ మహిళా హోంగార్డు రేప్ చేయబడి అతి దారుణంగా హత్యకు గురైంది. నగర పోలిస్ విభాగంలో సంచలనం కల్గించిన ఈ కేసు వివరాలు ఇలా ఉన్నాయి. నవనీత అనే మహిళ బేగంపేట పోలిస్ స్టేషన్ లో హోంగార్డుగా విధులు నిర్వర్తిస్తోంది. ఆమె మృతదేహం రంగారెడ్డి జిల్లా మేడ్చల్ లోని బాసరగడి సమీపంలో స్థానికులు గుర్తించారు. మృతదేహం దగ్గర బట్టలు చెల్లాచెదురుగా పడి ఉన్నాయి.

విషయం తెలుసుకున్న పోలిసులు మృతదేహం పరిశీలించి ఘటనాస్థలంలో ఆధారాలు సేకరించారు. ఐడీకార్డు ఆధారంగా మృతురాలు బేగంపేట పోలిస్ స్టేషన్ హోంగార్డు నవనీతగా గుర్తించారు. బేగంపేట స్టేషన్ అధికారులకు సమాచారం అందిచారు. నవనీత డ్యూటి వివరాలు చివరగా కలిసిన వ్యక్తులను గురించి ఆరా తీశారు. మృతదేహం లభ్యమైన పరిస్థితిని బట్టి ఆమెను ఎవరో రేప్ చేసి హత్య చేసి ఉంటారని పోలిసులు భావిస్తున్నారు. ఘటనాస్థలానికి డాగ్ స్క్వాడ్, క్లూస్ టీంను రప్పించారు. నవనీత మేడ్చల్ ఎందుకు వచ్చింది.., ఎవరితో వచ్చింది? ఆమెను ఎవరు హతమార్చారు అనే విషయాలపై ప్రస్తుతం ధర్యాప్తు కొనసాగుతోంది.

 

కార్తిక్