కేసీఆర్ ఇంటిముందు తెలంగాణ జర్నలిస్టుల ధర్నా!

Posted: 09/06/2014 11:32 AM IST

(Image source from: telangana journalists dharna in front of kcr house in delhi)

తెలంగాణ ముఖ్యమంత్రి కేసీఆర్ వ్యవహరిస్తున్న తీరు బాగోలేదని.. వెంటనే ఆయన తన వైఖరిని మార్చుకోవాలంటూ తెలంగాణ జర్నలిస్టులందరూ ఆయన ఇంటిముందు పెద్దఎత్తున ధర్నాకు దిగారు. తెలంగాణ శాసనసభ్యులను కించపరిచేవిధంగా, వ్యంగ్యంగా టీవీ9, ఏబీఎణ్ ఆంధ్రజ్యోతి ప్రసారాలు చేశాయన్న ఆగ్రహంతో సదరు ఛానెళ్ల కేసీఆర్ ఆంక్షలు విధించిన సంగతి తెలిసిందే! కేసీఆర్ అసెంబ్లీలో ఆయా ఛానెళ్లమీద ఆగ్రహం వ్యక్తం చేసిన మరుక్షణమే ఆ ఛానెళ్లు క్షమాపణలు కోరినప్పటికీ ఆయన పట్టించుకోలేదు. ఎలాగైనా వాటిపై ఆంక్షలు విధించేతీరుతామని ఆయన ప్రకటించిన నేపథ్యంలో ఆ ఛానెళ్ల ప్రసారాలు తెలంగాణ రాష్ట్రంలో పూర్తిగా నిలిచిపోయాయి.

ఇదిలావుండగా.. తెలంగాన ప్రభుత్వం మీడియా స్వేచ్ఛను హరిస్తోందని.. ఈ స్వేచ్ఛకు సంకెళ్లు వేయవద్దని ఇప్పటికే చాలాసార్లు ఆందోళనలు చేసినప్పటికీ కేసీఆర్ ఆ విషయంలో ఇప్పటివరకు నోరు విప్పలేదు. తాజాగా మరోసారి తెలంగాణ జర్నలిస్టులందరూ కలిసి మరోసారి కేసీఆర్ ఇంటిముందు ధర్నా కార్యక్రమాన్ని చేపట్టారు. ప్రస్తుతం ఢిల్లీ పర్యటనలో బిజీగా వున్న కేసీఆర్.. అక్కడ ఆయన నివాసం వద్దకు పెద్దసంఖ్యలో తరలివచ్చిన జర్నలిస్టులు ధర్నా చేస్తున్నారు. తమ మూతికి నల్లని వస్త్రాలు కట్టుకుని నిరసనలు చేపట్టారు. ఛానెళ్ల ప్రసారాలను వెంటనే పునరుద్దరించాలని డిమాండ్ చేస్తున్నారు. ఈ క్రమంలోనే పోలీసులు భారీగా మోహరించారు.