రేషన్ బియ్యం సీజ్ చేసిన పోలిసులు

Posted: 09/08/2014 08:34 AM IST

Ration rice lorries seized in nellore district

అక్రమంగా రేషన్ బియ్యం తరలింపు ముఠాపై పోలిసులు ప్రత్యేక దాడులు జరిపారు. నెల్లూరు జిల్లా నుంచి అక్రమంగా తమిళనాడుకు అక్రమంగా బియ్యం తరలిస్తున్నట్లు సమాచారం అందుకున్న పోలిసులు.., మనుబోలు వద్ద తనిఖీ చేసి 40 లారీలను సీజ్ చేశారు. ఇక వెంకటాచలం వద్ద మరో 6 లారీలను సీజ్ చేశారు. ఈ లారీల్లో రేషన్ బియ్యం తరలిస్తున్నట్లు గుర్తించారు. ఏపీ పౌరసరఫరాల అధికారులకు ఈ విషయమై సమాచారం అందించినట్లు నెల్లూరు జిల్లా పోలిసులు తెలిపారు.

నెల్లూరు, చిత్తూరు జిల్లాల నుంచి పక్కనే ఉండే తమిళనాడుకు అక్రమంగా బియ్యం తరలింపు తంతు చాలాకాలంగా జరుగుతోంది. పక్కరాష్ఱ్రానికి బియ్యం తరలించి.., అక్కడి మిల్లుల్లో వాటిని పాలిషింగ్ చేసి సన్నబియ్యంగా మార్చి తిరిగి ఇక్కడకు తెచ్చి అమ్ముకుని దళారులు కోట్ల రూపాయలు లాభం ఆర్జిస్తున్నారు. సివిల్ సప్లయిస్ శాఖలో కొందరు అవినీతి అధికారులు.., రేషన్ డీలర్ల అండ వీరికి ఉండటంతో బియ్యం దందాకు అడ్డు అదుపులేకుండా పోయిందన్న ఆరోపణలు వస్తున్నాయి.

కార్తిక్