హఫీజ్ సయీద్ ను మరోసారి వెనకేసుకొచ్చిన పాక్

Posted: 09/16/2014 08:03 AM IST

భారత్ వాణిజ్య రాజధాని ముంబయిలో జరిగిన 26/11 తీవ్రవాద దాడుల వెనుక ప్రధాన సూత్రధారి హఫీజ్ సయ్యీద్ ను మరోమారు పాక్ వెనకేసుకోచ్చింది. ఈ కేసులో సయ్యీద్ను ప్రధాన సూత్రధారిగా భారత్ అభియోగాలను నమోదు చేసినా.. దాయాది దేశం పాక్ మాత్రం సయీద్ పై తన సానుకూలతను ప్రదర్శిస్తోంది. సయీద్ ను విచారణ నిమిత్తం తమకు అప్పగించాలన్న భారత్ విజ్ఞప్తుల నేపథ్యంలో పాక్.. సయీద్కు ఏమీ తెలియదన్న వాదనను తెరపైకి తీసుకోస్తోంది.

హఫీజ్ సయీద్‌పై కేసులేవీ లేవనీ, దేశ పౌరునిగా అతను స్వేచ్ఛగా ఎక్కడికైనా తిరగవచ్చని పాకిస్థాన్ స్పష్టం చేసింది. భారత్‌లో పాకిస్థాన్ హైకమిషనర్ అబ్దుల్ బాసిత్ తమ దేశానికి సంబంధించినంత వరకు సయీద్ ఒక స్వేచ్ఛాయుత పౌరుడని చెప్పారు. నియంత్రణ రేఖకు చేరువగా పాకిస్థాన్ సైన్యంతో కలిసి సయీద్ ఎందుకు పనిచేస్తున్నాడని మీడియా ప్రశ్నించింది. అతడిపై వున్న కేసులన్నింటినీ న్యాయస్థానం విచారించి.. నిర్దోషిగా ప్రకటించాయన్నారు. సయీద్ పై ఎలాంటి కేసులూ పెండింగులో లేవని స్పష్టం చేశారు.

జి.మనోహర్