స్వర్ణం దిశగా పరుగులు తీస్తున్న సౌరవ్ గోషాల్

Posted: 09/22/2014 03:10 PM IST

ఏషియన్ కీడ్రల్లో మూడోరోజు  భారత్ మరో రెండు పతకాన్ని కైవసం చేసుకుంది. మహిళల పిస్టల్ టీమ్ ఈవెంట్ తో పాటు స్క్వాష్ మహిళల సింగిల్స్ లో రెండు కాంస్య పతకాలను సాధించింది. భారత స్క్వాష్ క్రీడాకారిణి దీపికా పల్లికల్ మహిళల సింగిల్స్ విభాగంలో కాంస్యం అందించింది. మహిళల సింగిల్స్ విభాగంలో సైమీఫైనల్స్ లో మలేషియాకు చెందిన ప్రపంచ నెంబర్ వన్ నికోల్ డేవిడ్ చేతిలో దీపిక ఓటమిని చవిచూసింది.

అంతకముందు 25 మీటర్ల మహిళల పిస్టల్ ఈవెంట్‌లో భారత్ కాంస్య పతకం సాధించింది. పసిడి పతకాన్ని సౌత్ కొరియా, చైనా సిల్వర్ పతకాన్ని సొంతం చేసుకున్నాయి. షూటింగ్ విభాగంలో ఇప్పటికే భారత్ నాలుగు పతకాలు సాధించింది.  ఆసియా క్రీడల్లో  భారత షూటర్ జీతూ రాయ్ తొలిస్వర్ణం సాధించగా, శ్వేతా చౌదరి కాంస్య పతకం గెలుచుకొంది.

మరోవైపు సైక్లింగ్ లో భారత్ క్రీడాకారులు నిరాశపర్చగా.. స్క్వాష్ పురుషుల సింగిల్స్ విభాగంలో సౌరవ్ గోషాల్ ఫైనల్స్ కు దూసుకెళ్లాడు. తొలిసారిగా స్క్వాష్ విభాగంతో భారత్ ఫైనల్ కు చేరుకోవడం ఇదే ప్రథమం. ఈ ఘనత సాధించి సౌరవ్ గోషాల్ చరిత్రను సృష్టించాడు. సెమీ ఫైనల్స్ లో మలేషియా క్రీడాకారుడు ఓంజ్ బెంజీ హీతో తలపడిన ఆయన.. 11-9, 11-4, 11-5 స్కోరుతో ఓడించి ఫైనల్స్ లోకి దూసుకెళ్లాడు. సౌరవ్ గోషాల్ కు ప్వర్ణం లేదా రజత పథకం ఖాయంగా తేలిపోయింది.  ఏసియన్ క్రీడల్లో 2006, 2010లలో పురుషుల సింగిల్స్ విభాగంతో పాటు 2010లో పురుగుల డబుల్స్ విభాగంలోనూ కాంస్య పతకాలను సాధించిన సౌరవ్,, ఈ ధఫా ఎలాగైనా వాటిని అధిగమించాలని కృతనిశ్చయంతో వుంది.  పైనల్స్ లోకి దూసుకెళ్లడంపై అయన తన అభిమానులతో అనందాన్ని పంచుకున్నాడు. ఇప్పడే తన ప్రత్యర్థిపై మరింత గురి పెరిగిందని ట్విట్ చేశాడు.

జి.మనోహర్