ఏపీ సర్కార్ పండగలు వచ్చాశాయ్..

Posted: 09/27/2014 12:06 PM IST

బోనాలు, పీర్ల పండులను తెలంగాణ సర్కార్ ప్రభుత్వ హోదా కల్పించడంతో.. ఆ బాటలోనే పయనించేందుకు ఆంధ్రప్రదేశ్ ప్రభుత్వం సిద్దమైంది. దసరా ఉత్సవాలను రాష్ట్ర పండుగగా గుర్తించేందకు ఏపీలో చంద్రబాబు ప్రభుత్వం సుముఖత వ్యక్తం చేసంది. దీంతో పాటు సంక్రాంతి పండుగను కూడా రాష్ట్ర పండుగగా గుర్తించే అవకాశాలు వున్నాయి. దీంతో ఇన్నాళ్లు ప్రజలందరూ కలసి జరుపుకుంటున్న పండుగలకు కూడా ప్రాంతీయ తత్వం అలుముకునే ప్రమాదాలు వున్నాయన్న విమర్శలు వినబడుతున్నాయి.

వచ్చే ఏడాది నుంచి దసరా ఉత్సవాలను రాష్ట్ర పండుగగా నిర్వహించేందుకు ప్రభుత్వ తరపున నిర్ణయం తీసుకుంటామని రాష్ట్ర సమాచార శాఖ మంత్రి పల్లె రఘునాథరెడ్డి తెలిపారు. బెజవాడ ఇంద్రకీలాద్రిపై వైభవంగా జరుగుతున్న దసరా శరన్నవరాత్రులు సందర్భంగా అమ్మవారిని దర్శించుకునేందుకు వచ్చిన ఆయన దర్శనానంతరం మీడియాతో మాట్లాడారు. వచ్చే ఏడాది నుంచి అమ్మవారి నవరాత్రి ఉత్సవాలను ప్రభుత్వ పండుగగా, ఘనంగా జరుపుకుందామని చెప్పారు. ఆలయ అధికారులు మంత్రికి సంప్రదాయ పద్దతిలో స్వాగతం పలికారు. గాయత్రీ దేవిగా దర్శనమిస్తున్న అమ్మవారికి పల్లె రఘునాథరెడ్డి ప్రత్యేక పూజలు నిర్వహించి, తీర్థప్రసాదాలు స్వీకరించారు.

జి.మనోహర్