ఆ నాలుగు ప్రాంతాల పరిధిలోనే రాజధాని..

Posted: 09/28/2014 05:11 PM IST

ఆంధ్రప్రదేశ్  రాజధాని ఎక్కడ అన్న విషయంలో ఇంకా ఉత్కంఠకు తావివ్వ దలుచుకోని ఆంధ్రప్రదేశ్ ప్రభుత్వం ఆ నాలుగు ప్రాంతాల్లోనే రాధాధాని ఏర్పాటు చేస్తామని ప్రకటించింది. విజయవాడ, గుంటూరు, మంగళగిరి, తెనాలి పరిధిలోనే రాష్ట్ర రాజధాని ఏర్పాటు చేస్తామని.. ఇదే రాష్ట్రంలోని అన్ని ప్రాంతాలకు అనువైన కేంద్రమని ఏపీ సమాచార, ఐటీశాఖ మంత్రి పల్లె రఘునాథరెడ్డి చెప్పారు. ల్యాండ్ పూలింగ్ విధానం ద్వారా త్వరలోనే భూ సేకరణ చేపడతామని మంత్రి విజయవాడలో చెప్పారు. రాజధాని ఏర్పాటుకు భూములు ఇచ్చేందుకు రైతులు పూర్తిగా సహకరిస్తారన్న నమ్మకం ఉందన్నారు. రైతులకు మెరుగైన ప్రయోజనాలు అందించేందుకు ప్రభుత్వం సిద్ధంగా ఉందని చెప్పారు.

తెలంగాణ ముఖ్యమంత్రి కేసీఆర్ తమ రాష్ట్ర ప్రజానీకాన్ని పాకిస్థానీయులు మాదిరిగా చూస్తున్నారని పల్లె ఆరోపించారు. తాము మమంతా మాత్రం కేసీఆర్ను సోదరభావంతోనే చూస్తున్నామని తెలిపారు. ఆంధ్రప్రజానీకంపై కేసీఆర్ అనుసరిస్తున్న వైఖరిపై మండిపడ్డారు. తెలంగాణ సీఎంగా గద్దెనెక్కిన కేసీఆర్కు చట్టాలు, న్యాయస్థానాలపై నమ్మకం లేదని విమర్శించారు. ట్యాంక్బండ్పై ఏర్పాటు చేసిన విగ్రహాలపై చేయేస్తే జనం హర్షించరని పల్లె రఘునాథరెడ్డి అన్నారు.

జి.మనోహర్