తిరుమలలోని కపిలతీర్ధం కంపుకొడుతోంది

Posted: 10/04/2014 04:38 PM IST

పవిత్ర పుణ్యక్షేత్రం తిరుమలలోని కపిల తీర్థం కంపుకొడుతోంది. తిరుమల క్షేత్రానికి వచ్చే భక్తులు కపిలతీర్థ పుష్కరిణిలో పుణ్యస్నానాులు చేస్తారు. ఇలా చేస్తే పాపాలు తొలగి పుణ్యం వస్తుందనేది  నమ్మకం. దీంతో పుణ్యస్నానాలు చేసి అంతా స్వామివారిని దర్శించుకోవటం ఆనవాయితీగా వస్తుంది. ప్రతిరోజు ఇక్కడ వేలాదిమంది పుణ్యస్నానాలు చేస్తారు. ప్రస్తుతం బ్రహ్మోత్సవాల సమయం కావటంతో భక్తుల సంఖ్య  విపరితంగా పెరిగింది.

శనివారం ఉదయం కపిలతీర్థంలో స్నానాలు చేద్దామని వెళ్ళిన  భక్తులు అక్కడ నుంచి వస్తున్న కంపును భరించలేకపోయారు. తమిళులకు పవిత్రమైన  ప్రొటేసి నెల మూడవ శనివారంను పురస్కరించుకుని ఇవాళ భక్తులు అధిక సంఖ్యలో తిరుమలకు వచ్చారు. అయితే స్నానం చేద్దామంటే నీటి నుంచి దుర్గంధం వస్తుండటంతో స్నానం చేయలేకపోయారు. పవిత్రమైన నీరు ఇలా  కావటం పట్ల  తీవ్రంగా ఆవేదన చెందుతున్నారు. అటు  టీటీడీ అధికారులు నిర్లక్ష్యంగా వ్యవహరించటం వల్లే నీటిలో వ్యర్ధాలు కలిసి కలుషితం అవుతున్నాయని మండిపడుతున్నారు. వెంటనే నీటి నుంచి వస్తున్న దుర్గంధంను తొలగించటంతో పాటు మురికిని  తగ్గించేందుకు చర్యలు తీసుకోవాలని డిమాండ్ చేస్తున్నారు.

 

కార్తిక్