ప్రతీ భారతీయుడు స్వచ్ఛ భారత్ లో పాల్గొనాలి..

Posted: 10/05/2014 01:46 PM IST

'స్వచ్ఛభారత్' కార్యక్రమంలో దేశ ప్రజలందరూ పాల్గొన్నాలని కేంద్ర పట్టణాభివృద్ధిశాఖ మంత్రి వెంకయ్యనాయుడు పిలుపునిచ్చారు. నెల్లూరులో జరిగిన స్వచ్ఛభారత్ కార్యక్రమంలో వెంకయ్యనాయుడుతో పాటు ఆంధ్రప్రదేశ్ రాష్ట్ర పురపాలకశాఖ మంత్రి నారాయణ తదితరులు పాల్గొన్నారు. ఈ సందర్భంగా వెంకయ్యనాయుడు మాట్లాడుతూ... గాంధీజీ స్ఫూర్తితో ప్రధాని మోదీ స్వచ్ఛభారత్ కార్యక్రమాన్ని ప్రారంభించారన్నారు. గతంలొ అక్టోబర్ రెండున వచ్చే గాంధీ జయంతిని కేవలం సెలవు దినంగానే పరిగణించడంతో దేశ ప్రజలకు గాంధీ ఆశయాల గురించి తెలియలేదన్నారు. గాంధీ జయంతి రోజున ఆయన ఆశయాల సాధనకు మన వంతుగా మనం ముందుకెళ్లాలని అప్పడే మహాత్మునికి నివాళులు అర్పించినట్లు అవుంతుందన్నారు.

క్లీన్ ఇండియా అనేది బాపూజీ కలలు గన్న నినాదమని, అదే నినాదాన్ని ఇప్పడు ప్రధనమంత్రి మోడీ తీసుకుని స్వచ్ఛ భారత్ కార్యక్రమంగా దేశంలో ఆచరణలో పెట్టారని వెంకయ్యనాయుడు అన్నారు. ప్రధాని ఇచ్చిన పిలుపుతో దేశవ్యాప్తంగా అనేక మంది కదలివస్తున్నారని, ఇది ఇలాగే కొనసాగితే.. దేశం అతిత్వరలో పరిశుభ్ర భారత్ గా తయారవుతుందని వెంకయ్య ధీమా వ్యక్తం చేశారు.

జి.మనోహర్