బాబుకు మరో దెబ్బ.. 8మంది టీడీపీ ఎమ్మెల్యేలు జంప్!

Posted: 10/10/2014 09:36 PM IST

Parakala tdp mla dharmareddy given statement that he is going to join trs party along with 8 mlas

తెలంగాణలో వున్న టీడీపీ పార్టీకి రానురాను దెబ్బ మీద దెబ్బ తగుతున్నట్టు కనిపిస్తోంది. మరో 8 మంది టీడీపీ ఎమ్మెల్యేలు టీఆర్ఎస్ లోకి చేరడానికి సిద్ధంగా వున్నారని సమాచారం! ఇదివరకే బాబుకు చాలా సన్నిహితంగా వుండే టీడీపీ ఎమ్మెల్యేలు తలసాని శ్రీనివాస్ యాదవ్, తీగల కృష్ణారెడ్డి బాబుకు కోలుకోలేని గట్టి షాకిచ్చిన విషయం తెలిసిందే! వాళ్లిద్దరూ వెళ్తూ వెళ్తూ.. బాబుమీద విమర్శల దాడి చేసి వెళ్లారు. వాళ్లిద్దరి సంగతి అటుంచితే.. టీడీపీ పార్టీ ఎమ్మెల్యే ధర్మారెడ్డి కూడా టీఆర్ఎస్ పార్టీ కండువా కప్పుకుంటున్నట్లు వార్తలు వస్తున్నాయి.

వరంగల్ జిల్లా పరకాల టీడీపీ ఎమ్మెల్యే ధర్మారెడ్డి... తాను టీఆర్ఎస్ పార్టీలోకి చేరబోతున్నట్లు స్టేట్ మెంట్ ఇచ్చి సంచలనం సృష్టించారు. కార్యకర్తల మనోభావాలు, నియోజకవర్గ అభివృద్ధిని దృష్టిలో పెట్టుకుని పార్టీ మారేందుకు నిర్ణయించుకున్నట్టు ఆయన తెలిపారు. కేవలం ఆయన మాత్రమే కాదు... ఆయనతోపాటు మరో ఎనిమిది మంది ఎమ్మెల్యేలు ఒకేసారి కారు స్వారీ చేయనున్నట్టు ఆయన పేర్కొన్నారు. దీంతో తెలంగాణాలో టీడీపీ పార్టీ పూర్తిగా బలహీనపడే అవకాశాలు చాలావున్నాయి. ఆ పార్టీ నుంచి ఎమ్మెల్యేలు వరుసగా టీఆర్ఎస్ లోకి చేరిపోవడంతో తెలంగాణాలో టీడీపీ త్వరలోనే తట్టాబుట్టా సర్దుకోవాల్సిందేనని విశ్లేషకులు తెలుపుతున్నారు.