ఆ రోజునే 245 మంది శిశువుల జననం..

Posted: 10/15/2014 12:05 PM IST

245 infants took birth on that day in odisha

ఆ రోజు ఎవ్వరూ గుర్తు పెట్టుకోడానికి కూడా ఇష్టపడరు. అమావాస్య, దుర్ముహూర్తం, వర్జ్యం, యమగండం, రాహుకాలం ఇలాంటి వాటిని పట్టించుకున్నే వారు కూడా ఆ రోజును గుర్తు పెట్టుకోవాలని అనుకోరు. కారణం విశాఖ కైలసగిరిలో తీరాన్ని తాకి, పుడిమడకలో తీరాన్ని దాటిన హుద్‌హుద్ తుపాను.. కోస్తాతీరంతో పాటు ఒడిశాలో విలయనాట్యమాడిన రోజు. అయినా తమ జీవితాలను ఛిద్రం చేసిన ఈ రోజును.. కొందరు కొంత కాలం, మరికొందరు మరికొంత కాలం ఇంకొందరూ ఇంకోంచెం కాలం పాటు గుర్తు పెట్టుకుంటారు. కానీ ఆ 245 మంది, వారి బంధువులు, తల్లితండ్రులు మాత్రం జీవితాంతం గుర్తుంచుకుంటారు. ఎందుకో తెలుసా..?

ఎందుకంటే అదే రోజున వారు జన్మనిచ్చారు కాబట్టి. హుద్ హుద్ తుపాను పెను ప్రళయాన్ని సృష్టించిన రోజున ఒడిశాలోని వివిధ ప్రాంతాల్లో 245 మంది శిశువులు జన్మించారు. రాష్ట్ర ప్రభుత్వ ఆదేశాల మేరకు ఆరోగ్యశాఖ అధికారులు.. ప్రసవ సమయం దగ్గరపడిన 397 మంది గర్భవతులను తుపాను ముందురోజే ఆస్పత్రుల్లో చేర్పించారు. ఆదివారం తుపాను ప్రభావంతో ఓ వైపు బలమైన ఈదురుగాలులతో కూడిన వర్షాలు పడుతుంటే..అదే సమయంలో రాష్ట్రంలోని వివిధ ప్రాంతాల్లోని ఆస్పత్రుల్లో 245మంది శిశువులు జన్మించినట్లు అధికారులు వెల్లడించారు. గజపతి, కోరాపుట్, మల్కన్‌గిరి, రాయగడ, నవరంగపూర్, గంజాం, కలహండి జిల్లాల్లో ఈ జననాలు చోటుచేసుకున్నట్లు ప్రజా ఆరోగ్య శాఖ డైరెక్టర్ కె.సి.దాస్ తెలిపారు.

జి.మనోహర్