19, 20లలో వరద ప్రభావిత ప్రాంతాల్లో రాహుల్ పర్యటన

Posted: 10/15/2014 06:51 PM IST

హుదూద్ తుఫానుతో అల్లకల్లోలమైన విశాఖపట్నం సహా ఉత్తరాంధ్ర జిల్లాలను కాంగ్రెస్ ఉపాధ్యక్షుడు రాహుల్ గాంధీ పర్యటించనున్నారు. రాహుల్ గాంధీ ఈ నెల 19, 20 తేదీలలో రెండు రోజుల పాటు వరద బాధిత ప్రాంతాలలో పర్యటించనున్నారని ఏఐసిసి వర్గాలు తెలిపాయి. 19న నేరుగా ఢిల్లీ నుంచి విశాఖపట్నానికి చేరుకుని, రాష్ట్ర కాంగ్రెస్ నేతలతో కలసి ఆయన  తుఫాను ప్రభావిత ప్రాంతాల్లో పర్యటించనున్నారు. తుపాను విలయతాండవంలో చిక్కుకుని బతుకుల్ని చిధ్రం చేసుకున్న బాధితులను ఆయన పరామర్శించనున్నారు.

హుదూద్ తుఫాను సంభవించిన వారం రోజులకు విశాఖ సహా ఉత్తరాంధ్ర జిల్లాల్లో రాహుల్ గాంధీ పర్యటించనున్నారు. బాధితులను పరామర్శించి వారికి ప్రభుత్వం నుంచి అన్ని సహాయ సహకారాలు అందుతున్నాయా..? లేదా అన్న విసయమై ఆరా తీయనున్నారు. గత ఏడాది వచ్చిన పైలిన్ తుపాను నేపథ్యంలో కూడా ఉత్తరాంధ్ర అతాలాకుతలంమైంది. కేంద్రంలో అధికారంలో వున్న రాహుల్ గాంధీ అప్పడు మాత్రం బాధితులను పరామర్శించలేదు.

జి.మనోహర్