న్యాయమూర్తిపై నిందలు ఆపండి..: సుప్రీంకోర్టు

Posted: 10/17/2014 04:05 PM IST

Stop allegations on judge sc tells while granting bail to jayalalithaa

జయలలితకు షరతులతో కూడిన మధ్యంతర బెయిల్ మంజూరు చేసిన సుప్రీం కోర్టు ధర్మాసనం అన్నాడీఎంకే కార్యకర్తలకు ఓ సూచన చేసింది. జయలలితకు శిక్ష ఖరారు చేసిన పరప్పన అగ్రహార కోర్టు న్యాయమూర్తి మైఖేల్ డి కున్హాపై వ్యక్తిగత దూషణలు, ఆరోపణలకు స్వస్తి పలకాలని సుప్రీం కోర్టు న్యాయమూర్తులు ఈ సందర్భంగా పార్టీ కార్యకర్తలకు ఆదేశాలు జారీ చేశారు.

అంతేగాక, హింసాత్మక చర్యలకు దిగకుండా సంయమనం పాటించాలని కూడా కోర్టు సూచించింది. ఆదాయానికి మించిన ఆస్తుల కేసులో జయకు నాలుగేళ్ల జైలుతో పాటు రూ.100 కోట్ల జరిమానాను విధించిన ప్రత్యేక కోర్టు న్యాయమూర్తి డి కున్హాపై అన్నాడీఎంకే కార్యకర్తలు పరుష పదజాలంతో కూడిన ఆరోపణలు గుప్పించడం తమ దృష్టికి వచ్చిందని న్యాయస్థానం తెలిపింది

ఇదిలావుండఃగా, పరప్పనా అగ్రహార కోర్టు న్యాయమూర్తి జాన్ మైఖేల్ డి కున్హాపై ఆరోపణలు చేసిన ఒక న్యాయవాదిని పోలీసులు అదుపులోకి తీసుకున్నారు. న్యాయం ఓడింది.. అన్యాయం గెలిచిందంటూ అగ్రహారం న్యాయమూర్తికి వ్యతిరేకంగా అరోపణలు చేసిన న్యాయవాది తంగా కొలన్ జినతన్ ను తిట్టాకుడి వద్ద పోలీసులు అదుపులోకి తీసుకున్నారు. అన్నాడీఎంకే పార్టీకి అనుబంధంగా వ్యవహరిస్తున్న న్యాయవాదిపై పలు సెక్షన్ల కింద కేసు పెట్టినట్టు స్థానిక సీఐ సుధకార్ తెలిపారు.

జి.మనోహర్