జైలు నుంచి విడుదలైన జయమ్మ

Posted: 10/18/2014 04:08 PM IST

తమిళనాడు మాజీ ముఖ్యమంత్రి, అన్నాడీఎంకే అధ్యక్షురాలు జయలలిత ఇవాళ మధ్యాహ్నం జైలు నుంచి విడుదలయ్యారు. సుప్రీంకోర్టు బెయిల్ మంజూరు చేయడంతో ఆమె విడుదలకు మార్గం సుగమం అయ్యింది. బెంగళూరులోని పరప్పణ అగ్రహార జైలు అధికారులు ... జయలలితను విడుదల చేశారు. అంతకు ముందు జయ తరపు న్యాయవాది రూ.2 కోట్లతో కోర్టుకు ష్యూరిటీ సమర్పించారు.

సుప్రీంకోర్టు బెయిల్ మంజూరు చేసినా.. శుక్రవారం రాత్రి  జయలలిత జైల్లోనే ఉన్నారు. విడుదల కోసం లాంఛనాలు పూర్తి కాకపోవడంతో ఆమె శనివారం మధ్యాహ్నం వరకు నీరిక్షించాల్సి వచ్చింది. 22 రోజుల తర్వాత జయలలిత బయట వాతావరణాన్ని చూశారు. అమ్మ విడుదలతో అన్నాడీఎంకే కార్యకర్తలు హర్షం వ్యక్తం చేస్తూ నినాదాలు చేశారు. బెంగళూరులోని పరప్పన అగ్రహార జైలు వద్దకు పెద్ద సంఖ్యలో చేరుకున్న కార్యకర్తలు జయలలితకు మద్దతుగా నినాదాలు చేశారు.  అత్యంత పటిష్ఠమైన భద్రత మధ్య జైలు నుంచి జయలలిత తన కాన్వాయ్ లో బయల్దేరారు.
 
జి.మనోహర్