సర్వేపై సర్కారుకు హైకోర్టు నోటిసులు

Posted: 10/20/2014 01:11 PM IST

Highcourt gives notie to telangana on samagra survey

తెలంగాణ ప్రభుత్వ ‘సమగ్ర కుటుంబ సర్వే’ వివాదం ఇంకా ముగియటం లేదు. సర్వే సరికాదంటూ గతంలో కోర్టుల్లో పిటిషన్లు దాఖలు కాగా.., తాజాగా సర్వే విధానంపై అభ్యంతరాలు వ్యక్తం అవుతున్నాయి. తెలంగాణ సర్వే జరిగిన విధానంకు వ్యతిరేకంగా రామ్ మోహన్ చౌదరి అనే వ్యక్తి హైకోర్టును ఆశ్రయించాడు. వివరాల సేకరణ, కంప్యూటరీకరణ ప్రైవేటు వ్యక్తులకు అప్పగించటం వల్ల కుటుంబాలకు సంబంధించిన సమాచారం బయటకు వెళ్తుందన్నారు.

పిటిషనర్ అభ్యంతరాలను పరిశీలించిన న్యాయస్థానం కౌంటర్ దాఖలు చేయాలని కేంద్ర, రాష్ర్ట ప్రభుత్వాలను ఆదేశించింది. నాలుగువారాల్లోగా కౌంటర్ దాఖలు చేయాలని సూచిస్తూ తదుపరి విచారణను నాలుగువారాలపాటు వాయిదా వేసింది. ఆగస్టు 19న తెలంగాణ ప్రభుత్వం రాష్ర్టంలోని కుటుంబాలన్నిటినీ ఒకేరోజు సర్వే చేసిన విషయం తెలిసిందే.

కార్తిక్