ప్రజలకు ప్రముఖుల పండగ శుభాకాంక్షలు

Posted: 10/23/2014 07:23 AM IST

Narendra modi narasimhan and kcr wishes diwali greetings

ప్రజలకు దేశ, రాష్ర్ట ప్రముఖులు పలువురు పండగ శుభాకాంక్షలు తెలియజేశారు. దీపావళిని పురస్కరించుకుని దేశం కొత్త వెలుగులతో నిండాలని ప్రధాని నరేంద్రమోడి ఆకాంక్షించారు. అందరికి ఆయురారోగ్యాలు, ఐశ్వర్యాుల కలగాలని కోరుకున్నారు. గవర్నర్ నరసింహన్ తెలుగు రాష్ర్టాల ప్రజలకు దీపావళి శుభాకాంక్షలు తెలియజేశారు. ఈ పండగ ప్రతి ఒక్కరి జీవితాల్లో కొత్త వెలుగులను నింపాలని ఆకాంక్షించారు. అంతేకాకుండా దీపావళి వేడుకల్లో పాల్గొనేందుకు పౌరులు రాజ్ భవన్ కు రావాలని ఆహ్వానించారు. ఉదయం 11గం. నుంచి రాత్రి 12గం. వరకు రాజ్ భవన్ లో గవర్నర్ దంపతులు ప్రజలను కలిసేందుకు అందుబాటులో ఉంటారు.

అటు దీపావళి పండగను పురస్కరించుకుని తెలంగాణ ముఖ్యమంత్రి కేసీఆర్ రాష్ర్ట ప్రజలకు శుభాకాంక్షలు తెలిపారు. కారు చీకట్లను తరిమికొట్టి వెలుగులు నింపే ఈ పండగ. ప్రజల జీవితాల్లో కూడా కొత్త వెలుగులు నింపాలని ఆకాంక్షించారు. అన్ని వర్గాల ప్రజలకు పండగ శుభాలను తీసుకురావాలని కోరుకుంటున్నట్లు చెప్పారు. అటు వైసీపీ అధ్యక్షుడు జగన్ కూడా ప్రజలకు పండగ శుభాకాంక్షలు తెలిపారు. అందరూ సంతోషంగా దీపావళిని జరుపుకోవాలని ఆయన ఆకాంక్షించారు. అటు హుదూద్ తుఫానులో నష్టపోయిన ప్రజలను ఆదుకునేందుకు పండగ వ్యయంలో కొంత సాయం చేయాలని కోరారు.

కార్తిక్