జుడాలకు సమ్మె చేసే హక్కు లేదు

Posted: 10/27/2014 03:46 PM IST

జూనియర్ డాక్టర్లకు హైకోర్టు షాక్ ఇచ్చింది. సమ్మెపై సోమవారం స్పందించిన హైదరాబాద్ హైకోర్టు.., జుడాలు వెంటనే సమ్మె విరమించాలని స్పష్టం చేసింది. సమ్మె చేయటానికి మీరేమైనా కార్మికులా...? అని ప్రశ్నించింది. జూనియర్ డాకర్లు దినసరి కార్మికులు కాదు అని స్పష్టం చేసింది. పారిశ్రామిక, దుకాణాల చట్టాలు జుడాలకు వర్తించవు అని స్పష్టం చేసింది. జుడాలకు సమ్మె చేసే హక్కు లేదు అని స్పష్టం చేసింది. బాధ్యత గల పౌరులుగా ఉండి చట్టాన్ని చేతుల్లోకి తీసుకోవటం ఎంతవరకు సమంజసమని ప్రశ్నించింది.

ఇక సమ్మెపై హైకోర్టు తీవ్రంగా మండిపడింది. జుడాల సమ్మెతో ఎంతోమంది సామాన్య రోగులు నానా ఇబ్బందులు పడుతున్నారని ఆవేదన వ్యక్తం చేసింది. తక్షణమే ఆందోళన విరమించి విధులు, క్లాసులకు హాజరుకావాలని ఆదేశించింది. లేకపోతే జుడాలపై ఎలాంటి చర్యలైనా తీసుకునేందుకు వెనకాడబోమని హెచ్చరించింది. ఈ వివాదంపై తదుపరి విచారణను బుధవారంకు వాయిదా వేసింది. ఇప్పటికే జుడాల వ్యవహారంపై తెలంగాణ ప్రభుత్వం తీవ్ర ఆగ్రహంగా ఉండగా.., హైకోర్టు కూడ వారికి వ్యతిరేకంగా తీర్పు ఇవ్వటంతో జుడాలు ఇరుకున పడ్డారు.

 

కార్తిక్