సమైక్యవాదిని చేర్చుకున్న టీఆర్ఎస్

Posted: 10/31/2014 07:27 AM IST

తెలంగాణ రాష్ర్ట సమితి వేర్పాటువాద సంస్థగా ఎంత ప్రభావం చూపిందో అందరికి తెలుసు. ఆ పార్టీ నేతల్లో, సిద్ధాంతాల్లో వేర్పాటువాదం, తెలంగాణ ఆత్మగౌరవం, ప్రత్యేక పాలన అంశాలు ఖచ్చితంగా ఉంటాయి. సమైక్యవాదం అంటేనే ఒంటికాలపై యుద్ధానికి సిద్ధం అవుతారు. కానీ అలాంటి పార్టీ నేతలు ఇప్పుడు సమైక్యవాద నేతలను పారట్ీలో చేర్చుకుంటున్నారు అని ఆరోపణలు వస్తున్నాయి. టీడీపీ నుంచి టీఆర్ఎస్ లోకి వచ్చిన తలసాని శ్రీనివాస్ యాదవ్ సమైక్యవాది అని తెలుగుదేశం అధికార ప్రతినిధి నన్నూరి నర్సిరెడ్డి ఆరోపించారు. గతంలో తలసాని సమైక్యవాదానికి మద్దతు పలికారని గుర్తు చేశారు.

బీజేపిలో జగ్గారెడ్డి చేరితే రాద్ధాంతం చేసిన గులబీ నేతలు వీరిని ఎలా చేర్చకుంటారు అని ఆయన ప్రశ్నించారు. ఇక సికింద్రాబాద్ లో గెలవలేక సనత్ నగర్ వచ్చి పోటి చేశారని విమర్శించారు. అంతేకాకుండా యాదవ్ ది బ్లాక్ మెయిల్ స్వభావం అని విమర్శించారు. శ్రీనివాస్ యాదవ్, తీగల కుటుంబీకులు గ్రేటర్ పదవులకు పోటి చేసేందుకే గులాబీ పార్టీ వారిని చేర్చుకుందన్నారు. దమ్ముంటే ఎమ్మెల్యే పదవులకు రాజీనామా చేసి ఎన్నికల్లో టీఆర్ఎస్ తరపున పోటి చేసి గెలవాలని నర్సిరెడ్డి సవాల్ విసిరారు.

 

కార్తిక్