మంత్రులు హైదరాబాద్ లో ఉండొద్దని ఆదేశం

Posted: 11/07/2014 09:03 PM IST

Kcr orders ministers of state to stay more time in districts only by avoiding hyderabad

వివాదాస్పద కామెంట్లు, నిర్ణయాలకు కేరాఫ్ అడ్రస్ గా ఉండే తెలంగాణ ముఖ్యమంత్రి కేసీఆర్, తన మంత్రులను ఉద్దేశ్యించి కీలక ప్రకటన చేశారు. మంత్రులెవరూ హైదరాబాద్ లో ఉండవద్దన్నారు. అంతా ఎవరి జిల్లాలకు వారు వెళ్ళి ప్రభుత్వ కార్యక్రమాలను పర్యవేక్షించాలన్నారు. అభివృద్ది కార్యక్రమాల్లో పాల్గొనాలని సూచించారు. శుక్రవారం జరిగిన మంత్రివర్గ ఉపసంఘ సమావేశంలో కేసీఆర్ ఈ కామెంట్ చేశారు.

హైదరాబాద్ లో ఉండటం వల్ల జిల్లాల్లో జరిగే కార్యక్రమాలపై పూర్తి పర్యవేక్షణ ఉండదనీ.., దీని వల్ల పనులు నాసిరకంగా, ఆలస్యంగా జరిగే అవకాశం ఉందన్నారు. వేల కోట్లు ఖర్చు చేస్తున్న కార్యక్రమాలు కావటంతో మంత్రులు జిల్లాల్లోనే ఉండాలన్నారు. పంచాయతీ రాజ్ పరిధిలో రూ.5వేల కోట్లతో రోడ్లను మెరుగుపర్చాలన్నారు. అదేవిధంగా ఆర్ అండ్ బి పరిధిలో 2400 కిలోమీటర్ల పరిధిలో రోడ్ల నిర్మాణం చేపట్టాలని మంత్రివర్గ ఉపసంఘం నిర్ణయం తీసుకుంది. ఈ భేటిలో కీలక మంత్రులు పాల్గొన్నారు.

కార్తిక్