అర్హులందరికి ‘ఆసరా’

Posted: 11/08/2014 10:09 PM IST

పేదలకు సాయం చేసే ఉద్దేశ్యంతో తెలంగాణ ప్రభుత్వం కొత్త పధకం ప్రవేశపెట్టింది. పేద మహిళలకు సాయం చేయాలనే సంకల్పంతో ‘ఆసరా’ అనే పధకంకు శ్రీకారం చుట్టింది. ఆ పధకం ప్రకారం పేద మహిళలకు పెన్షన్లు అందించనుంది. ముఖ్యమంత్రి కేసీఆర్ మహబూబ్ నగర్ జిల్లా కొత్తూరులో ఈ పధకం ప్రారంభించారు. ఈ సందర్బంగా మాట్లాడిన ఆయన, అర్హత ఉన్న ప్రతి పేద మహిళకు ‘ఆసరా’ పెన్షన్ అందుతుందని చెప్పారు.

ఈ పధకం కోసం ప్రతి సంవత్సరం రూ.4వేల కోట్లు కేటాయించేందుకు ప్రభుత్వం సిద్ధంగా ఉందన్నారు. ఈ నెల నుంచే పెన్షన్లు మొదలుపెడుతున్నట్లు చెప్పారు. రాష్ర్టంలో పేదరిక నిర్మూలనతో పాటు, పేదవారికి సాయం చేసి వృద్ధిలోకి తీసుకురావాలనే లక్ష్యంతో ప్రభుత్వ సంక్షేమ పధకాలు రూపొందిస్తోందన్నారు. త్వరలో మరిన్ని సంక్షేమ పధకాలు ప్రవేశపెట్టి తెలంగాణ ప్రజల కలలు సాకారం చేస్తామని హామి ఇచ్చారు.

 

 

రాష్ర్టంలో ప్రస్తుత విద్యుత్ కోతలు బాధాకరమన్నారు. అయితే గత ప్రభుత్వాల తప్పిదాల వల్ల ఈ ఇబ్బందులు తప్పటం లేదని ఆవేదన వ్యక్తం చేశారు. మూడు సంవత్సరాల తర్వాత తెలంగాణలో విద్యుత్ కోతలు అనేవి ఉండవన్నారు. ఏడాది అంతా పంటలు ఎండిపోకుండా విద్యుత్ ఇచ్చే స్థాయిలో సరఫరా చేస్తామన్నారు. ఇందుకోసం ప్రభుత్వం ప్రత్యేకంగా చర్యలు చేపట్టిందని చెప్పారు. ‘ఆసరా’ పధకం ఉద్దేశ్యం బాగుంది కాని., గత ప్రభుత్వాలు చేపట్టినట్లుగా ఇది కూడా అక్రమాలు, దుర్వినియోగం అయితే లక్ష్యం నెరవేరటం మాట అటుంచి ప్రజల సొమ్ము అక్రమార్కుల ఖజానాల్లో చేరుతుంది.

 

 

కార్తిక్