వారెంట్ జారీ. అయ్యాక అరెస్టు తప్పించుకున్న కనిమొళి

Posted: 11/10/2014 03:37 PM IST

Court issues non bailable warrant against kanimozhi cancels it after apology

డీఎంకే రాజ్యసభ సభ్యురాలు, డీఎంకే అధినేత కరుణానిధి కుమార్తె కనిమొళికి స్పెషల్ కోర్టులో చుక్కెదురైంది. కనిమొళిని అరెస్టు చేయాలని పేర్కొంటూ ప్రత్యేక కోర్టు నాన్ బెయిలబుల్ వారెంట్ జారీ చేసింది. దీంతో అమెను అరెస్టు చేయడానికి పోలీసులు రంగం సిద్దం చేస్తున్నారని సమాచారం. 2జీ స్పెక్ట్రమ్ కేసులో నిందితురాలిగా వున్న కనిమొళి.. గతంలో జైలులో రిమాండ్ ఖైదీగా వున్నారు. ఈ నేపథ్యంలో అమెకు ఎట్టకేలకు బెయిల్ లభించింది. బెయిల్ మంజూరు చేసిన ప్రత్యేక న్యాయస్థానంలో విచారణ జరిగిన సమయానికి కనిమొళి కోర్టుకు హాజరుకాలేదు అమె కానీ అమె తరపున న్యాయవాది కానీ హాజరుకాకపోవడంతో కోర్టు అమెను అరెస్టు చేయాల్సిందిగా ఆదేశిస్తూ.. ప్రత్యేక కోర్టు సమన్లు జారీ చేసింది. దాంతో కనిమొళి అరెస్ట్ కు రంగం సిద్ధమవుతోంది అనుకుంటున్న సమయంలో మధ్యాహ్నం 12,30 గంటలకు కోర్టులో కనిమొళి తరపు న్యాయవాది వచ్చారు. న్యాయమూర్తికి క్షమాపణలు చెప్పడంతో నాన్ బెయిలేబుల్ వారెంటును రద్దు చేస్తున్నట్లు న్యాయమూర్తి ప్రకటించారు. భవిష్యత్ లో ఇలాంటి తప్పిదాలు జరగకుండా జాగ్రత్తాగా వుండాలని న్యాయమూర్తి కనిమొళి తరపు న్యాయవాదికి సూచించారు.. మరోవపు 2జీ స్పెక్ట్రమ్ కుంభకోణం కేసులో తుది వాదనలు వినడానికి డిసెంబర్ 19 తేదిని ఢిల్లీ కోర్టు ఫిక్స్ చేసింది. ఈ కేసులో మాజీ టెలికాం మంత్రి ఏ రాజా, డీఎంకే ఎంపీ కనిమొళి, ఇతర 15 మందిపై ఆరోపణలెదుర్కొంటున్నారు.

జి.మనోహర్