పదేళ్ల పాటు అధికార పదవులకు జయలలిత దూరం

Posted: 11/13/2014 09:37 AM IST

తమిళనాడు మాజీ ముఖ్యమంత్రి, ఏఐడీఎంకే అధినేత్రి జయలలితకు దెబ్బ మీద దెబ్బ తగులుతోంది. ఆదాయానికి మించిన ఆస్తుల కేసులో న్యాయస్థానం ఇచ్చిన తీర్పు కన్నా తన సొంత పార్టీ నేతలే తనను పదవులు అధిరోహించకుండా అడ్డుపడుతూ.. ప్రభుత్వ గెజిట్ నోటిఫికేషన్ విడుదల చేయడం ఆమెను మరింత కలవరానికి గురిచేస్తుంది. ఇంతకాలం తాను ఏదనుకుంటే అది సాగిన క్రమం పొయి.. ఇకపై తాను ఏదనుకుంటే అది చేయించుకోవాల్సిన పరిస్థితి రావడం. పార్టీని అధికారంలోకి తీసుకువచ్చినా.. పదవులకు పరిమితం కాకుండా కేవలం పార్టీకి మాత్రమే ఆమె పరిమితం కావడం అమెను ఆందోళనకు గురిచేస్తుంది. పార్టీని, ప్రభుత్వాన్ని రెండు చేతులతో నడిపిన జయలలిత ఇకపై కేవలం పార్టీ వ్యవహారాలకు మాత్రమే పరిమితం అవుతోంది. ప్రభుత్వం అధికారంలోకి వచ్చినా.. అమెకు పదవులు అలకరించే అవకాశం లేకుండా తన ప్రభుత్వమే గెజిట్ విడుదల చేయడం ఇందుకు కారణం

జయలలితను పదేళ్లపాటు ఎన్నికల్లో పాల్గొనడానికి అనర్హురాలని తమిళనాడు ప్రభుత్వం గెజిట్ నోటిఫికేషన్‌లో వెల్లడించింది. తమిళనాడు అసెంబ్లీ సభ్యురాలైన జయలలితకు ఆదాయానికి మించిన ఆస్తుల కేసులో శిక్ష పడిన 2014, సెప్టెంబరు 27వ తేదీ నుంచి అనర్హత వర్తిస్తుందని తెలిపింది. జయలలిత ప్రాతినిధ్యం వహిస్తున్న శ్రీరంగం అసెంబ్లీ స్థానాన్ని ఖాళీ అయినట్లుగా పరిగణిస్తామని తెలిపింది. ఈ స్థానం ఖాళీ అయినట్లు ఇంతకుముందే వెల్లడించినా రాష్ట్ర ప్రభుత్వం తాజాగా అధికారికంగా వెల్లడించింది. దీంతో ఇక పదేళ్ల పాటు ఎన్నికలలో పోటీ చేయడానికి కూడా జయలలిత అనర్హురాలు.

జి.మనోహర్