ఏపీలోని కండ్రిగకు నేడు సచిన్ రాక

Posted: 11/15/2014 07:19 AM IST

Sachin coming to adopted village puttamraju kandriga in nellore district

నెల్లూరు జిల్లాలోని పుట్టంరాజువారికండ్రిగ గ్రామానికి మాస్టర్ బ్యాట్స్ మన్ సచిన్ టెండుల్కర్ ఇవాళ వస్తున్నారు. తాను దత్తతీసకున్న ఈ గ్రామాన్ని సందర్శించేందుకు ఆయన వస్తున్నట్లు సచిన్ వ్యక్తిగత కార్యదర్శి వెల్లడించాు. గూడూరు నియోజకవర్గంలో ఉన్న ఈ గ్రామాన్ని దత్తత తీసుకున్న సచిన్ అన్నివిధాలా అభివృద్ధి చేస్తానన్న విషయం తెలిసిందే. ఇందుకోసం రూ.5కోట్లను కూడా ఆయన కేటాయించారు. ఇప్పటికే గ్రామాన్ని సచిన్ పీఏ సందర్శించి స్థానిక వాతావరణం, పరిస్థితులు, మౌళిక వసతులపై ఆయనకు సమాచారం అందించారు.

టెండుల్కర్ పర్యటనతో పుట్టంరాజువారికండ్రిగ గ్రామంలో ఉత్సాహం నెలకొంది. తమ గ్రామాన్ని అభివృద్ధి చేసేందుకు వస్తున్న క్రికెట్ దేవుడిని ఎప్పుడెప్పుడు చూద్దామా అని వారంతా ఎదురుచూస్తున్నారు. అయితే తన పర్యటనలో ఎలాంటి హంగు, ఆర్భాటాలు చేయవద్దని సచిన్ విజ్ఞప్తి చేశారు. అధికారులు కూడా ఆ ప్రకారంగా చర్యలు చేపట్టారు. సచిన్ పర్యటించే ప్రాంతాల్లో బారికేడ్లు ఏర్పాటు చేశారు. అంతేకాకుండా వీఐపీలను కూడా అనుమతించమన్నారు. గ్రామంలో పూర్తిగా పర్యటించే సచిన్ స్థానిక పరిస్థితులు తెలుసుకుని, గ్రామాస్తులతో కలిసి పది నిమిషాలు మాట్లాడి.., ఫొటోలు దిగుతారని తెలుస్తోంది.

కార్తిక్