లక్షచొప్పున ఇస్తాం.. ప్రాణాలూ ఇస్తాం.. భూముల జోలికి రావొద్దు!

Posted: 11/17/2014 09:42 PM IST

Andhra pradesh guntur village farmers rejected to give their lands for ap capital city to government

గుంటూరు చేరువలో వున్న గ్రామాలను 53 కి.మీ మేర కలుపుతూ రాజధాని నిర్మాణం వుంటుందని ఏపీ సీఎం చంద్రబాబు ప్రకటించిన నేపథ్యంలో భూసేకరణలో భాగంగా మంత్రివర్గ ఉపసంఘం పర్యటించడం మొదలుపెట్టిన సంగతి తెలిసిందే! ఈ పర్యటనలో భాగంగానే పలుగ్రామల్లో సందర్శించిన ఆ మంత్రివర్గం రైతుల నుంచి అభిప్రాయ సేకరణ చేపట్టారు. అయితే రాజధాని నిర్మాణం కోసం తమ భూములను ఎట్టిపరిస్థితుల్లోనూ ఇచ్చేది లేదని రైతులందరూ తిరుగుబాటు చేసిన సంగతి విదితమే! అయితే రాజధాని కోసం భూములు తప్పనిసరి కాబట్టి.. ఆ విషయంలో రైతులతో ఒప్పందం కుదర్చుకోవడానికి కమిటీ ఎంతగానో ప్రయత్నాలు చేస్తోంది. కానీ వాళ్లు మాత్రం ససెమిరా అంటున్నారు.

ఈనేపథ్యంలో మంగళగిరి మండలం నిడమర్రులోని రైతులు సోమవారం ల్యాండ్ పూలింగ్ వ్యతిరేకంగా ఆందోళనకు దిగారు. రాజధానికోసం భూములు ఇచ్చేదిలేదని ఖరాఖండీగా చెబుతున్న రైతులు.. కావాలంటే తామందరం కలిసి రూ.లక్షచొప్పున ప్రభుత్వానికి డబ్బు తిరిగి ఇస్తామని, కానీ తమ భూముల జోలికి మాత్రం రావొద్దని అధికారులపై మండిపడ్డారు. బలవంతంగా భూములు లాక్కోవడానికి ప్రయత్నాలు చేస్తే పురుగులమందు తాగి తామంతా చస్తామని రైతులు హెచ్చరిస్తున్నారు. రైతులు ఈవిధంగా తిరగబడటంతో అధికారులు అక్కడి నుంచి వెనుదిరిగి వెళ్లిపోయారు.