దొంగను కిడ్నాప్ చేసిన పోలిసులు

Posted: 11/18/2014 09:55 AM IST

Hyderabad police arrest nri rajababu of vijayawada

ఎన్నారై రాజాబాబు అరెస్టు వ్యవహారం కొత్త మలుపు తిరిగింది. ఆయన్ను ఎవరూ కిడ్నాప్ చేయలేదనీ.. పోలిసులే అరెస్టు చేశారని తెలుస్తోంది. విజయవాడకు చెందిన రాజాబాబును రియల్ ఎస్టేట్ మాఫియా కిడ్నాప్ చేసిందని సోమవారం రోజు వార్తలు వచ్చాయి. విజయవాడ సమీపంలో భూమి కలిగి ఉన్న ఎన్నారై రాజాబాబు, అమ్మేందుకు నిరాకరించటంతోనే రియల్ మాఫియా కిడ్నాప్ చేసి ఉంటుందని అనుమానాలు వ్యక్తం అయ్యాయి. ఈ ఘటనతో ఒక్కసారిగా విజయవాడలో కలకలం రేగింది. భూముల యజమానులు భయపడ్డారు.

ఆ తర్వాత హైదరాబాద్ పోలిసులు మీడియా ద్వారా అసలు విషయం బయటకు వెల్లడించారు. రాజాబాబును హైదరాబాద్ లోని అఫ్జల్ గంజ్ పోలిసులు అరెస్టు చేసినట్లు వార్తలు వచ్చాయి. హైదరాబాద్ లో రియల్ ఎస్టేట్ పేరిట చాలామందిని మోసం చేశాడని ఈయనపై ఆరోపణలు ఉన్నాయి. దాదాపు రూ.30 లక్షల వరకు ప్రజల నుంచి వసూలు చేసి తప్పించుకు తిరుగుతున్నాడని ఆరోపణలు ఉన్నాయి. ఈ మోసంపై అఫ్జల్ గంజ్ పోలిస్ స్టేషన్ లో కేసు నమోదు కావటంతో స్పందించిన పోలిసులు ప్రత్యేకబృందంతో విజయవాడకు వెళ్ళి నిందితుడిని అరెస్టు చేసి తీసుకొచ్చినట్లు తెలుస్తోంది. అయితే చెప్పకుండా తీసుకురావటంతో కిడ్నాప్ చేసినట్లుగా అంతా భావించారు.

కార్తిక్