తిరుమలలో వాటా కోరుతున్న మోడి, అమిత్ షా

Posted: 12/01/2014 07:56 AM IST

తిరుమల తిరుపతి దేవస్థానం కొత్త పాలక మండలి ఎంపిక చంద్రబాబుకు తలనొప్పిగా మారింది. బోర్డు చైర్మన్ పదవి ఖాయమైనా.., సభ్యుల ఎంపిక, సంఖ్యపై మాత్రం ఇంకా స్పష్టత రాలేదు. విభజన నేపథ్యంలో తెలంగాణకూ సభ్యుల్లో వాటా ఇవ్వాల్సి ఉంది. అటు ఇప్పటికే కర్ణాటక, తమిళనాడు రాష్ర్టాలకు ఒక్కో సభ్యుడి చొప్పున సభ్యత్వం ఇస్తుండటం ఆనవాయితీగా వస్తోంది. తాజాగా సభ్యత్వం విషయంలో కొత్త చిక్కు వచ్చింది. తమకు కూడా సభ్యత్వంలో వాటా కావాలంటూ ప్రధాని మోడి, బీజేపి జాతీయ అధ్యక్షుడు అమిత్ షా బాబుకు లేఖలు రాశారని తెలుస్తోంది.

మహారాష్ర్టకు కూడా సభ్యత్వం ఇవ్వాలని బాబు, సభ్యత్వం లిస్ట్ గుజరాత్ ను కూడా చేర్చాలని మోడి తమ లేఖల్లో చంద్రబాబును కోరారు. సభ్యత్వంపై ఇప్పటికే సొంత పార్టీల నుంచి ఒత్తిడులు వస్తున్నాయి. ఈ నేపథ్యంలో ఉన్న సభ్యుల సంఖ్యను రాష్ర్టాల వారిగా పంచుకుంటూ పోతే ఎలా అని బాబు ఆలోచిస్తున్నట్లు సమాచారం. అలాగని జాతీయ మిత్రపక్ష నేతలను కాదనలేరు. ఓ వైపు పార్టీ నేతల ఒత్తిడులు, మరోవైపు సిఫార్సుల నేపథ్యంలో బాబు ఎలా స్పందిస్తారనేది తెలియాల్సి ఉంది.

 

కార్తిక్