అదే నన్ను.. నా పార్టీని కాంగ్రెస్ లో చేర్చింది: చిరంజీవి

Posted: 12/06/2014 03:28 PM IST

సామాజిక న్యాయం కాంగ్రెస్ పార్టీతోనే సాధ్యమని ఆపార్టీ ఎంపీ, సినీనటుడు చిరంజీవి అన్నారు. భారత రాజ్యంగ రూపశిల్పి డాక్టర్ బాబాసాహెబ్ అంబేద్కర్ వర్థంతి (మహాపరినిర్వాణ్)ని పురస్కరించుకుని  ట్యాంక్ బండ్ వద్ద అంబేద్కర్ విగ్రహానికి శనివారం చిరంజీవి, ఏపీసీసీ అధ్యక్షుడు రఘువీరారెడ్డి పూలమాలలు వేసి నివాళులు అర్పించారు. ఈ సందర్భంగా చిరంజీవి మీడియాతో మాట్లాడుతూ కాంగ్రెస్ పార్టీలో సామాజిక న్యాయం చూసే...తాను ప్రజారాజ్యాన్ని విలీనం చేశానన్నారు.

రాష్ట్రంలోని అన్ని పార్టీలు వ్యక్తి పూజకు ప్రాధాన్యత ఇస్తున్న సందర్భంతో కేవలం ప్రజల సామాజిక న్యాయానికి కట్టుబడి నిలిచింది కేవలం కాంగ్రెస్ పార్టీయేనన్నారు. కాంగ్రెస్ పార్టీ అధికారంలో వున్నప్పుడే ఎస్సీ ఎస్టీ సభ్ ప్లాన్ ను అములు చేసింది. దీని ద్వారా రాష్ట్రంలో షెడ్యూల్డు కులాలు, తెగల ప్రాంతాల అభివృద్దికి ప్రభుత్వాలు ప్రత్యేకంగా నిధులను కేటాయించాల్సిన అవసరం ఏర్పడుతుందని చిరంజీవి చెప్పారు. నిత్యం బడుగు బలహీన వర్గాల ప్రజల సంక్షమం, అభివృద్ది కోసం కాంగ్రెస్ పార్టీ తపించినట్టుగా ఇతర పార్టీలు తపించవన్నారు.

జి. మనోహర్