దూరంగా ఉంటాడంటా..! అందరూ నమ్మాలంటా..!!

Posted: 12/10/2014 01:44 PM IST

బి.సి.సి.ఐ మాజీ అధ్యక్షుడు శ్రీనివాసన్ తనకు బి.సి.సి.ఐ ఎన్నికలలో పోటి చేసేందుకు అనుమతి ఇవ్వాలని సుప్రీమ్ కోర్ట్ ని అభ్యర్థించారు. ఇప్పటికే ఐ.పి.ఎల్ బెట్టింగ్ వ్యవహారం పై సుప్రీమ్ కోర్ట్ విచారణ జరుపుతున్న విషయం విదితమే. త్వరలో జరగనున్న బి.సి.సి.ఐ ఎన్నికలలో పాల్గొనేలా అనుమతి జారీ చేయాలనీ కోర్ట్ కి విన్నవించుకున్నారు. ఒకవేళ ఆ సంఘానికి అధ్యక్షుడిగా ఎన్నికైతే ఐ.పి.ఎల్ బెట్టింగ్ కుంభకోణం విషయం లో నియమించబడ్డ ఉన్నత స్థాయి విచారణా కమిటీ తనకు క్లీన్ చీట్ ఇచ్చేంతవరకు ఐ.పి.ఎల్ వ్యవహారాలకు దూరంగా ఉంటానని కోర్ట్ కి తెలిపారు.

ఇప్పటికే బెట్టింగ్ ఆరోపణలు మీదేసుకొని ఉన్న శ్రీనివాసన్ వాటిని కడిగేసుకోకుండా బి.సి.సి.ఐ ఎన్నికలలో పోటి చేయటాన్ని కొన్ని క్రీడా వర్గాలు అంగీకరించటం లేదు. మల్లి ఎన్నికైతే బి.సి.సి.ఐ అధ్యక్షుడి వంటి ఎంతో ప్రభావితమైన హొదా లో ఉండి ఐ.పి.ఎల్ బెట్టింగ్ కుంభకోణం పై నియమించబడ్డ విచారణ కమిటీని ఏ మేరకు ప్రభావితం చేయకుండా ఉండగలడని కొందరు క్రికెట్ క్రీడాభిమానులు చర్చించుకుంటున్నారు. ఏది ఏమైనప్పటికీ దీనిపై ఉన్నత న్యాయస్థానం ఏ నిర్ణయం తీసుకుంటుందో వేచి చూడాలి.

హరి