ఏపీకి కౌంటర్ గా కొత్త సిటీ ఎంచుకున్న కేసీఆర్

Posted: 12/12/2014 07:30 AM IST

అభివృద్ధి, విధానాల విషంయలో రెండు తెలుగు రాష్ర్టాలు పోటి పడుతున్నాయి. గతంలో రెండు తెలుగు రాష్ర్టాలు సింగపూర్ ఆదర్శంగా తీసుకున్నారు. కాని ప్రస్తుతం కేసీఆర్ నిర్ణయం మార్చుకున్నారు. హైదరాబాద్ ను ఇస్తాన్ బుల్ చేస్తానని గురువారం రోజు చెప్పారు. హైదరాబాద్ అభివృద్ధిపై ఉన్నతాధికారులతో సమీక్ష జరిపారు. చారిత్రిక ఆనవాళ్లు చెదరకుండా హైదరాబాద్ ను ఉన్నతంగా తీర్చిదిద్దుతామన్నారు. హైదరాబాదులో హుస్సేన్ సాగర్ చుట్టు ప్రక్కల ప్రతిష్ఠాత్మకంగా చేపట్టాల్సిన నిర్మాణాలు, అలాగే మూసీనది చుట్టుప్రక్కల చేపట్టాల్సిన నిర్మాణాలపై చర్చించారు.

సుందరీకరణ, అభివృద్ధి పనుల్లో భాగంగా ఇందిరాపార్క్ ఎదుట ఉన్న ఖాళీ స్థలంలో ‘తెలంగాణ కళాభారతి’ పేరుతో అంతర్జాతీయ కన్వెన్షన్ సెంటర్ ను నిర్మించటంతో పాటు.., రవీంద్రభారతిని కూల్చేసి మరో ప్రత్యేక కట్టడం నిర్మిస్తామన్నారు. ఇక మూసీ నదికి రెండు వైపులా పార్క్ లు నిర్మిస్తామన్నారు. హైదరాబాదులో ట్రాఫిక్ సమస్యను పరిష్కరించేందుకు మల్టీ లేయర్ ఫ్లై ఓవర్లు నిర్మిస్తామన్నారు. ఇస్తాంబుల్ స్పూర్తిగా హైదరాబాద్ ను అంతర్జాతీయ నగరంగా తీర్చి దిద్దుతామన్నారు. నిజాం కాలంలో హైదరాబాద్ లో అద్భుతమైన కట్టడాలు నిర్మించారని, ఉమ్మడి రాష్ట్రంలో హైదరాబాద్ ను రియల్ ఎస్టేట్ హబ్ చేశారని మండిపడ్డారు. అటు హైటెక్ సిటీ పేరుతో ఓ సిమెంట్ కట్టడాన్ని హైదరాబాద్ సింబల్ గా, అభివృద్ధి చిహ్నంగా చూపించారని చంద్రబాబుపై చురకలంటించారు.

 

 

కార్తిక్