బొత్స పేరును బజారుకు ఈడుస్తున్న లిక్కర్ స్కాం

Posted: 12/16/2014 08:59 PM IST

మాజీ మంత్రి, ఉమ్మడి రాష్ర్ట పీసీసీ చీప్ బొత్స సత్యనారాయణపై చాలా స్కాముల ఆరోపణలు ఉన్నాయి. ప్రభుత్వ చివరి సమయంలో బయటపడ్డ.., మద్యం సిండికేటు స్కాములోనూ బొత్సపై తీవ్ర ఆరోపణలు వచ్చాయి. ఆయన అనుచరులు, కుటుంబీకులు స్వయంగా స్కాములో పాత్రధారులుగా ఉన్నట్లు ఆరోపణలు గుప్పుమన్నాయి. దీనిపై అప్పట్లో తీవ్ర విమర్శలు వచ్చాయి. ప్రభుత్వంలో బాధ్యతాయుత మంత్రి పదవిలో ఉండి ఇలాంటి చర్యలేమిటని ప్రతిపక్షాలు నిలదీశాయి. ఇప్పుడిదే అంశం ఆయన్ను మళ్ళీ బజారుకీడుస్తోంది.

బొత్స సత్యనారాయణకు మద్యం సిండికేట్ల కేసులో ప్రమేయం ఉందని ఏపీ మంత్రి పల్లె రఘునాద్ రెడ్డి తెలిపారు. ఈ స్కాములో బొత్స సహా మిగిలిన వారిందర్నీ బయటకు లాగుతామన్నారు. అవసరమైతే కేసుపై పునర్విచారణ, దర్యాప్తు కోసం కేబినెట్ కు సిఫార్సు చేస్తామని కూడా పల్లె చెప్పారు. గత ప్రభుత్వ హయాంలో జరిగిన స్కాములన్నిటిపై ధర్యాప్తు చేయిస్తామన్నారు. ఎర్రచందనం స్మగ్లింగ్ లో కూడా అప్పటి ప్రభుత్వ పెద్దలకు నేరుగా ప్రమేయం ఉందన్నారు. వేల టన్నుల ఎర్రచందనం ప్రభుత్వ నేతల సాక్షిగా విదేశాలకు ఎగుమతి అయిందని ఆరోపించారు.

అటు వాన్ పిక్, లేపాక్షి భూముల విషయంతో పాటు.., ప్రతి అంశంలో, నిర్ణయంలో ఏదో ఒక లోపం ఉండేదని మండిపడ్డారు. గత ప్రభుత్వ నిర్ణయాలతో ప్రజల కంటే కాంగ్రెస్ నేతలకే ఎక్కువ లబ్ది కలిగిందని ఆయన ద్వజమెత్తారు. స్కాములపై న్యాయ సలహా తీసుకుని తుది నిర్ణయం తీసుకుంటామన్నారు. గతంలో అంటే అధికారంలో ఉండటంతో స్కాముల ఆరోపణలు చెరిగిపోయాయి. ఇప్పుడు కేంద్రంలో ప్రతిపక్షంగా కూడా లేదు., ఇక ఏపీలో అయితే పార్టీకి కనీసం ఒక్క ఎమ్మెల్యే కూడా లేడు. ఈ పరిస్థితుల్లో పునర్ విచారణ జరిగితే బొత్సకు ఇబ్బందులు తప్పేలా కన్పించటం లేదు.

 

 

కార్తిక్