వాల్‌నట్స్ తో చర్మ ముడతలు మటుమాయం

Posted: 05/08/2015 05:16 PM IST

చర్మసౌందర్యాన్ని పెంపొందించే వాటిలో వాల్‌నట్ కూడా ఒకటి! ఇందులో చర్మాన్ని మెరుగుపరచడంతోపాటు దాన్ని సంరక్షించే ఎన్నోరకాల పోషక విలువలు నిల్వవుంటాయి. ముఖ్యంగా అందాన్ని పెంచేందుకు సహాయపడే విటమిన్ ఇ, విటమిన్ బి 1,2,3,6లతోపాటు కాపర్, జింక్, కాల్షియం, మాంగనీస్, ఒమేగా 3 ఫ్యాటీ యాసిడ్స్ వంటి మినరల్స్ అధికంగా ఉన్నాయని న్యూట్రీషన్లు అంటున్నారు. అందుకే.. వాల్‌నట్ ని చర్మసౌందర్యాన్ని పెంచే ఔషధంగా భావిస్తారు.

వాల్‌నట్ తో కలిగే సౌందర్య ప్రయోజనాలు :

1. వాల్‌నట్ ఆయిల్‌‍ను చర్మానికి అప్లై చేసినప్పుడు, ఇది మాయిశ్చరైజ్ ఏజెంట్‌గా పనిచేస్తుంది. అలాగే డ్రై స్కిన్‌తో బాధపడుతున్నట్లైతే, వాల్‌నట్ ఆయిల్ ఉపయోగించవచ్చు. ఈ నూనె చర్మంలోనికి వెళ్లి.. చర్మాన్ని మాయిశ్చరైజ్ చేస్తుంది. ముఖ్యంగా చేతులు, మోచేతులకు అప్లై చేసుకుంటే మంచి ప్రయోజనం పొందవచ్చు.

2. వాల్‌నట్ ఆయిల్ ముడతలను నివారించడంలో కీలకపాత్ర పోషిస్తుంది. ఇది గ్రీజీ టెక్చర్‌ను కలిగి ఉంటుంది. దీన్ని రెగ్యులర్‌గా చర్మానికి అప్లై చేస్తే, చర్మంలో చారలను రూపు మార్చుతుంది. ముడతలకు చెక్ పెట్టి వృద్ధాప్య ఛాయలను దూరం చేస్తుంది. ఈ ఆయిల్ ను రోజూ రాత్రి సమయంలో పట్టించుకోవాల్సి వుంటుంది.

3. జిడ్డుచర్మం కలిగిన వారు వాల్‌నట్ ఆయిల్ ను పట్టించుకున్నప్పుడు ఆ సమస్య నుంచి త్వరగా ఉపశమనం పొందవచ్చు. రోజూ సాయంత్రం వేళ వాల్‌నట్ ఆయిల్ తగిలించుకుని కొద్దిసేపు అలాగే వుంచుకోవాలి. కాస్త ఎండిన తర్వాత మొదట పొడిబట్టతో శుభ్రంగా తుడుచుకుని, అనంతరం గోరువెచ్చని నీటితో శుభ్రపరుచుకోవాలి.

4. మొటిమలు, నల్లని ఛాయలు, కంటికింద నల్లటి వలయాలు, పొడిబారిన చర్మం.. తదితర సమస్యలతో బాధపడుతున్నవారు ఈ ఆయిల్ ని వారానికి మూడసార్లు ముఖానికి పట్టిస్తే.. వాటి నుంచి ఆపశమనం పొందుతారు. అంతేకాదు.. సౌందర్యవంతమైన చర్మాన్ని పొందడంతోపాటు మృదువైన చర్మాన్ని పొందుతారు.