వీసా లేకుండా విదేశాలకు

Posted: 05/23/2013 07:30 PM IST

వీసా లేకుండానే విదేశాలకు ఎగిరిపోయే అవకాశాన్ని హైదరాబాద్‌లోని రాజీవ్‌గాంధీ ఎయిర్‌పోర్ట్ కల్పిస్తోంది. పర్యాటకులను ప్రోత్సహించే విధంగా కేంద్ర ప్రభుత్వం 2010లో ప్రవేశపెట్టిన వీసా ఆన్ ఎరైవల్ (వీవోఏ) పథకాన్ని రాజీవ్ గాంధీ ఎయిర్‌పోర్టుకు కూడా వర్తింపు చేశారు. దీని వలన రాజీవ్ గాంధీ ఎయిర్ పోర్టు నుంచి 11 దేశాలకు వీసా లేకుండానే ప్రయాణించవచ్చు.

ఆ దేశంలో అడుగు పెట్టగానే 30 రోజుల కాలపరిమితి ఉండే పర్యాటక వీసాను తక్షణం అందచేస్తారు. వీవోఏ పథకం కింద ఫిన్‌లాండ్, జపాన్, లక్సంబర్గ్, న్యూజిలాండ్, సింగపూర్, కాంబోడియా, లావోస్, వియత్నాం, ఫిలిఫైన్స్, మయన్మార్, ఇండోనేసియా దేశాలకు వీసా లేకుండా ప్రయాణించవచ్చని జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ బుధవారం విడుదల చేసిన ప్రకటనలో పేర్కొంది.