దేశీయ స్టాక్ మార్కెట్లపై గ్రీస్, చైనా సంక్షోభ ప్రభావం..

Posted: 07/09/2015 06:34 PM IST

విదేశాల నుంచి వచ్చిన ప్రతికూల వాతావరణ పవనాలకు తోడు.. గ్రీస్ సంక్షోభం, చైనా ఉత్పాతాల ప్రభావాలతో స్టాక్ మార్కెట్లు వరుసగా రెండవ రోజు నష్టాలను మూటగట్టుకున్నాయి. నిన్న ఈ ఏడాదిలో తొలిసారిగా అత్యంత భారీ నష్టానికి కుదేలయిన మార్కెట్లు ఇవాళ కూడా అదే బాటలో నడిచాయి. ఇవాళ ఉదయం ఆరంభంలో మార్కెట్లను లాభాలు పలకరించాయి. ఆ తరువాత స్వల్ప ఒడిదోడుకులను ఎదుర్కోంటూ.. క్రమంగా మధ్యాహ్నానికి లాభాలను హరించుకుపోయాయి. దీంతో మార్కెట్లు నష్టాలను చవిచూడాల్సి వచ్చింది. మధ్యాహ్నం తరువాత మర్కాట్ స్టాల్స్ లో అమ్మకాల ఒత్తిడి పెరిగింది.

మార్కెట్లు ముగిసే సమయానికి 114 పాయింట్ల నష్టంతో 27 వేల 574 పాయింట్ల వద్ద ముగియగా, నిప్టీ కూడా 35 పాయింట్ల నష్టంతో 8329 పాయింట్ల వద్ద ముగిసింది. ఇవాళ మొత్తంగా 1529 షేర్లు లాభాల బాటలో పయనించగా, 1283 షేర్లు నష్టాలను చవిచూశాయి. కాగా 153 సంస్థలకు చెందిన షేర్లు మాత్రం తటస్థంగా నిలిచాయి. ఈ క్రమంలో అయిల్ అండ్ గ్యాస్, ఐటీ, అటో రంగ సూచీలు భారీ నష్టాలలో పయనించగా, ఎఫ్ ఎం జీ సీ, మెటల్స్, పబ్లిక్ సెక్టార్ యూనిట్స్, టెక్నాలజీ, చిన్న తరహా, మద్య తరహా పరిశ్రమలకు చెందిన సూచీలు కూడా నష్టానలు ఎదుర్కోన్నాయి. క్యాపిటల్ గూడ్స్ రంగానికి చెందిన సూచీలు భారీ లాభాలను ఆర్జించగా, బ్యాంకింగ్ రంగ సూచీలఃతో పాటు కన్జూమర్ డ్యూరబుల్స్, హెల్త్ కేర్ సూచీలు స్వల్ప లాభాలను ఆర్జించాయి. ఈ క్రమంలో వేదాంత, టీసీఎస్, బజాజ్ ఆటో, ఇన్పోసిస్, టాటా మోటార్స్ తదితర సంస్థల షేర్లు నష్టాలను చవిచూడగా, బిహెచ్ఇఎల్, హిండాల్కో, ఎల్ అండ్ టీ, హారో, లుపిన్ తదితర సంస్థల షేర్లు లాభాలను ఆర్జించాయి

జి.మనోహర్