నాలుగు రోజుల వరుస నష్టాలకు బ్రేకులు.. లాభాల్లో స్టాక్ మార్కెట్లు

Posted: 07/29/2015 08:19 PM IST

Sensex gains 104 points nifty above 8 375

నాలుగు రోజుల నుంచి వరుసగా ఎదుర్కొంటున్న నష్టాలకు కళ్లేలు పడటంతో ఇవాళ దేశీయ స్టాక్ మార్కెట్లు లభాలతో ముగిసాయి. అసియా మార్కెట్లతో పాటు యూరోపియన్ మార్కెట్ల నుంచి వచ్చిన మిశ్రమ ఫలితాలలోనూ దేశీయ సూచీలు లాభాలను ఆర్జించాయి. చైనా అర్థిక సంక్షోభంతో కూరుకుపోవడం అంశం మార్కెట్లును కొంత వరకు ప్రతికూలంగా వెంటాడినా.. అమెరికా ఫెడ్ రిజర్వు కమిటీ సమావేశం సానుకూల నిర్ణయాలను తీసుకుంటుందన్న ఊహాగానాల నేపథ్యంలో సూచీలు లాభాల భాట పట్టాయి. .

ఉదయం ప్రారంభంతోనే 93 పాయింట్ల లాభాన్ని సెన్సెక్స్ అర్జించగా, అటు నిష్టీ కూడా 27 పాయింట్ల లాభాన్ని అర్జించింది. చివరి వరకు అదే ఒరవడిని కోనసాగించింది. అటు ఈ మాసాంతంతో డెరెవేటివ్ కాంట్రాక్టులు ముగిసిపోనున్న నేపథ్యంలో మార్కెట్లు ఒడిదోడుకులకు గురైనా చివరికి మాత్రం లాభాలనే ఆర్జించాయి. మార్కెట్లు ముగిసే సమయానికి సెన్సెక్స్ 104 పాయింట్ల లాభంతో 27 వేల 563 పాయింట్ల వద్ద ముగియగా, నిప్టీ కూడా 38 పాయింట్ల నష్టంతో 8375 పాయింట్ల వద్ద ముగిసింది. ఇవాళ 1658 సంస్థల షేర్లు లాభాల మార్గంలో పయనించగా, 1178 సంస్థలకు చెందిన షేర్లు నష్టాలను చవిచూశాయి.

ఈ క్రమంలో కన్జూమర్ డ్యూరబుల్స్ సూచీకి చెందిన షేర్లు తీవ్ర నష్టాన్ని ఎదుర్కోగా, ఎఫ్ ఎం జీ సీ, అయిల్ అండ్ గ్యాస్, పబ్లిక్ సెక్టార్ యూనిట్లకు చెందిన సూచీలు స్వల్పంగా నష్టాల బాటలో ప యనించాయి. క్యాపిటల్ గూడ్స్, అటో, ఐటీ, మధ్య తరహా రంగానికి సంబంధించిన సూచీలు భారీ లాభాలను ఆర్జించగా, బ్యాకింగ్, హెల్త్ కేర్, మొటల్స్, టెక్నాలజీ, చిన్న తరహా పరిశ్రమ రంగానాకి చెందిన సూచీలు కూడా లాభాల బాటలో పయనిచాయి. ఈ తరుణంలో బాస్చ్, హెచ్ సిలఎల్ టెక్నాలజీ, యస్ బ్యాంక్, జీ ఎంటర్ టైన్ మెంట్, ఇన్పోసిస్, సంస్థల షేర్లు లాభాలను గడించగా, టాటా పవర్, పంజాబ్ నేషనల్ బ్యాంకు ఐటిసీ, ఎస్ బి ఐ, గెయిల్ తదితర సంస్థల షేర్లు నష్టాలను మూటగట్టుకున్నాయి

జి.మనోహర్