ఆర్బీఐ నిర్ణయంతో 4 రోజుల వరుస లాభాలకు బ్రేకులు.. నష్టాల్లో స్టాక్ మార్కెట్లు..

Posted: 08/04/2015 05:49 PM IST

నాలుగు రోజుల వరుస లాభాలకు ఇవాళ బ్రేకులు పడ్డాయి. విదేశాల నుంచి వచ్చిన సానుకూల పవనలు కూడా భారతీయ స్టాక్ మార్కెట్లను ఆదుకోలేకపోయాయి. ఆర్బీఐ ద్రవ్య పరపతి సమీక్ష నేపథ్యంలో కీలక వడ్డీ రేట్లను తగ్గిస్తున్నారన్న ఊహాగానాల నడువు ఉదయం నుంచి నష్టాలలో పయనించిన స్టాక్ మార్కట్లు సాయంత్రానికి కూడా నష్టాలనే మూటగట్టుకున్నాయి. ఆచ్చివచ్చిన ఆగస్టు సీరీస్ లో తొలిసారిగా నష్టాలను చవిచూశాయి. కార్పోరేట్ ల వేడుకోలు, కేంద్రప్రభుత్వం ఒత్తిళ్లను కూడా లెక్కచేయని భారతీయ రిజర్వు భ్యాంకు కీలక వడ్డీ రేట్లను యథాతథంగా కోనసాగడంతో మార్కొట్లు అమ్మకాల ఒత్తిళ్లకు తలొగ్గక తప్పలేదు.

దీంతో అప్పటి వరకు లాభాలతో దూసుకుపోయిన మార్కెట్లు క్రమంగా నష్టాలను మూటగట్టుకున్నాయి. సెన్సెక్స్ 300 పాయింట్లకు పైగా లాభంలో పయనించగా, నిష్టీ 100 పాయింట్లకు పైగా కొనసాగుతూ.. 8500 మార్కును కూడా దాటిన క్రమంలో రిజర్వు బ్యాంకు తీసుకున్న నిర్ణయం మదుపరులను నిరాశకు గురిచేసింది. ఆశించిన అంచనాలు తలకిందుకులు కావడతో మార్కెట్లు నష్టాలను చవిచూశాయి. దిగ్గజ సంస్థలకు ఇన్పోసిస్, రిలయన్స్ ఇండస్ట్రీస్, ఐటీసీ, హెచ్ డీ ఎఫ్ సీ, తదితర సంస్థల షేర్లు మార్కెట్లను కుదిపేయగా, మధ్యతరహా, చిన్న తరహా, అటో రంగానికి చెందిన షేర్లు లాభాలను ఆర్జించినా.. మార్కెట్లు చివరకు నష్టాలతోనే ముగిశాయి.
 
కాగా ఇవాళ ఉదయం ప్రారంభంతోనే స్టాక్ మార్కెట్లు భారీ నష్టాలతోనే ప్రారంభమయ్యాయి. సెన్సెక్స్ 100 పాయింట్ల నష్టాన్ని చవిచూడగా, అటు నిష్టీ కూడా 34 పాయింట్ల నష్టాన్ని నమోదు చేసుకుంది. అయితే కీలక వడ్డీ రేట్లను ఆర్బీఐ ద్రవ్య పరపతి సమీక్ష అనంతరం తగ్గిస్తుందని ఆశించానా.. కేంద్ర ప్రభుత్వం నుండి ఎదురైన ఒత్తిడిని కూడా పక్కన బెట్టిన భారతీయ రిజర్వు బ్యాంకు కీలక వడ్డీ రేట్లను ఏమాత్రం సవరించకుండా యథాతథంగా కోనసాగించింది. దీంతో ఉదయం నుంచి నష్టాల బాటలోనే పయనించిన మార్కెట్లు అదే స్థాయిలో పతనాన్ని చవిచూశాయి. దీంతో మార్కెట్లు ముగిసే సమయానికి సెన్సెక్స్ 115 పాయింట్ల నష్టాంతో 28 వేల 72 పాయింట్ల వద్ద ముగియగా, నిప్టీ కూడా 26 పాయింట్ల నష్టంతో 8517 పాయింట్ల వద్ద ముగిసింది.

ఈ క్రమంలో మెటల్స్, ఆటో, మధ్య తరహా, చిన్న తరహా పరిశ్రమలకు చెందిన సూచీలు భారీ లాభాలను ఆర్జించగా, బ్యాంకింగ్, పబ్లిక్ సెక్టార్ యూనిట్స్ హెల్త్ కేర్ రంగానికి చెందిన సెక్టార్లు స్వల్ప లాభాలను ఆర్జించాయి. ఈ క్రమంలో కన్జూమర్ డ్యూరబుల్స్, క్యాపిటల్ గూడ్స్, ఐటీ, టెక్నాలజీ, ఆయల్ అండ్ గ్యాస్, ఎఫ్ ఎం జీ సీకి చెందిన సూచీలు నష్టాలను చవిచూశాయి. ఈ తరుణంలో టెక్ మహీంద్రా, టాటా స్టీల్, హిండాల్కో, బ్యాంక్ అఫ్ బరోడా, ఏషియన్ పెయింట్స్ సంస్థల షేర్లు అధిక లాభాలను గడించగా, ఐడియా సెల్యూలార్, కాయిర్న్ ఇండియా, హీరో మోటో కార్ప్, ఓఎన్ జీసీ, గెయిల్ తదితర సంస్థల షేర్లు భారీ నష్టాలను చవిచూశాయి.

జి. మనోహర్