బ్యాంకర్లు అప్రమత్తంగా వుండండీ: కేంద్రం తాజా హెచ్చరికలు..

Posted: 10/22/2016 05:49 PM IST

పాకిస్థాన్ కు చెందిన సైబర్ నేరగాళ్లు నుంచి భారతీయ బ్యాంకులు అప్రమత్తంగా వుండాలని కేంద్ర ప్రభుత్వం మరో హెచ్చరిక చేసింది. బ్యాంకులపై పాక్ సైబర్ నేరగాళ్లు దాడులు జరిపే వకాశాలున్నాయని, ఈ నేపథ్యంలో బ్యాంకు యాజమాన్యాలు అలర్ట్ గా వుండాలని కేంద్రం సూచించింది. ఈ మేరకు కేంద్ర ఎలక్ట్రానిక్స్, ఐటీ మంత్రిత్వ శాఖ నుంచి అదేశాలు వెలువడ్డాయి. ఈ శాఖ కింద పనిచేసే నోడల్ ఏజెన్సీ కంప్యూటర్ ఎమర్జెన్సీ రెస్పాన్స్ టీమ్-ఇండియా చేసిన హెచ్చరికలతో తాజాగా ఈ నోటీసులు బ్యాంకులకు అందాయి.

పాకిస్తాన్కు  చెందిన సైబర్ క్రిమినల్స్, బ్యాంకుల సమాచారాన్ని, ఇన్ఫ్రాక్ట్ర్చర్ను టార్గెట్ చేశారని అన్ని బ్యాంకులకు కేంద్ర సైబర్ భద్రతా సంస్థ తెలిపింది. ఈ నెల ఏడవ తేదీన ఈ మేరకు అన్్ని బ్యాంకులకు సంస్థ ఈ మెయిల్ పంపించింది. ఇప్పటికే భారతీయ బ్యాకింగ్లో అతిపెద్ద భద్రతా ఉల్లంఘన జరిగిందని, ఈ ఉల్లంఘనతో 32 లక్షల అకౌంట్ల డెబిట్ కార్డుల సమచారం నేరగాళ్ల చేతికి వెళ్లిందని తేలిందని అందోళన చెందుతున్న క్రమంలో ఈ పీడుగులాంటి వార్త బ్యాంకర్లకు నిద్రను కరువుచేసింది. అయితే ఇటు అందోళనకు గురవుతున్న బ్యాంకు కస్టమర్లు మాత్రం విధిగా రోజు తమ బ్యాంకు, డెబిట్ కార్డు, క్రెడిట్ కార్డుల పాస్ వర్డ్లు మార్చుకుంటున్నారు.