అల్ టైం రికార్డు పతనం దిశగా రూపాయి మారకం విలువ..

Posted: 10/03/2018 05:56 PM IST

ఓ వైపు దేశంలో ఇంధన ధరలు అల్ టైం హైలో కొనసాగుతూ.. వాహనదారులను బెంబేలెత్తిస్తుంటే.. మరో వైపు దేశీయ కరెన్సీ రూపాయి విలువ మాత్రం పాతాళానికి చేరుతుంది. అల్ టైం రికార్డు స్థాయిలో పతనమైన రూపాయి ధర మునుపెన్నడూ లేని కనిష్టాన్ని తాకింది. బుధవారం నాటి ట్రేడింగ్‌తో డాలర్ రూపాయి మారకం విలువ 73.34కు చేరింది. డాలర్ తో మారకపు విలువలో గత కొన్ని నెలలుగా పడిపోతున్న రూపాయి మారకపు విలువ ఈ స్థాయికి చేరడం చరిత్రలో ఇదే ప్రథమం.

దిగుమతిదారుల నుంచి డాలర్ కు డిమాండ్ పెరగడంతో పాటు అంతర్జాతీయంగా ముడిచమురు ధరలు పెరగడం, విదేశీ పెట్టుబడులు వెనక్కి తీసుకోవడంతో దేశీయంగా రూపాయి విలువ భారీగా పతనమైందని మార్కెట్ విశ్లేషకులు చెబుతున్నారు. సోమవారం నాటి సెన్ లో 72.91వద్ద ఉన్న రూపాయి.. బుధవారం ఉదయానికి 73మార్క్‌ను దాటింది. మరోపైపు రూపాయి పతనంతో దేశీయ మార్కెట్లు కూడా భారీ నష్టాల్లో ముగిసాయి. అటు బంగార ధర ఏకంగా ఒక్కరోజులో రూ.550 మేర పెరిగింది.