సిటీలో పోలీసులు ప్రజల రక్షణ కోసం ప్రముఖ కూడళ్లు, రహదారులు, సిటీ సెంటర్లలో సీసీటీవీలు పెట్టించారు. 24 గంటలు కంట్రోల్ రూమ్ లో సిటీలో ఏం జరుగుతుందోనని అందరూ ఒక కంటపెడుతుంటారు.

దీనినే అదునుగా తీసుకున్న ఒక సర్దార్.. పోలీస్ కంట్రోల్ రూమ్ కి ఫోన్ చేసి ఇలా అడుగుతాడు...

సర్దార్ : హెలో.. సార్ నాకు మీ సహాయం కావాలి. అందుకే ఫోన్ చేశాను.

కంట్రోల్ రూమ్ : ఆ చెప్పండి... మీకు ఎటువంటి సహాయం చేయగలం? మేమున్నది కూడా మీకు సహాయం చేయడానికే కదా!

సర్దార్ : అలా అయితే సరే... నాకొక చిన్న సందేహం.. మీ సీసీటీవీ కెమెరాలు నిజంగానే పనిచేస్తున్నాయా..?

కంట్రోల్ రూమ్ : అవునండి.. చాలా బాగా పనిచేస్తున్నాయి.

సర్దార్ : ఓహో.. అలా అయితే ఆ కెమెరాల నుంచి 5వ నెంబర్ రోడ్డు కనిపిస్తుందా?

కంట్రోల్ రూమ్ : ఆ కనిపిస్తోందండి.

సర్దార్ : 5వ నెంబర్ రోడ్డు వెనకాల వున్న కాలనీ కూడా కనిపిస్తోందా..?

కంట్రోల్ రూమ్ : అవునయ్యా కనిపిస్తోంది. ఇంతకి అక్కడ ఏమైందో చెప్పి చావు!

సర్దార్ : హీహీహీహీ.. అదేం లేదు సార్.. ఆ కాలనీలో వుండే రాజేష్ దుకాణం తెరిచి వుందో లేదో అడిగి తెలుసుకుందామని ఫోన్ చేశా..!

కంట్రోల్ రూమ్ : ఏరా.. నీ కంటికి ఎలా కనిపిస్తున్నాం రా..? నీ తొక్కలోకి... నీ సంకలో పిట్ట రెట్టెయ్యా... నీ దంతాలు ఊడిపడా... నువ్వు నా ముందుకు రారా.. నిన్ను అక్కడికక్కడి పాతిపెడతా... నిట్టనిలువునా చీల్చేస్తా.. ఫోన్పెట్టరా ఫోన్ పెట్టు!