మోడీని వెంటాడుతున్న కుక్కలు - కోతులు!

Posted: 07/05/2014 06:12 PM IST

(Image source from: dogs and monkeys problem in narendra modi constituency)

ప్రధానమంత్రి పగ్గాలు చేపట్టిన నాటి నుంచి మోడీని కుక్కల బెడద వెంటాడుతూనే వుందని రాజకీయ విశ్లేషకులు చెబుతున్నారు. తొందరపాటు పడి మరేదో అర్థం చేసుకోకండే సుమా..! అసలు విషయం ఇంకా ముందుంది.

ప్రధాని నరేంద్రమోడీ ప్రాతినిధ్య వహిస్తున్న వారణాసి నియోజకవర్గంలో కుక్కల బెడద చాలా ఎక్కువగా వుందని యూపీ ప్రభుత్వం పేర్కొంది. ఆయన పగ్గాలు చేపట్టిన నాడు నుంచి ఇదే పరిస్థితి కొనసాగుతోందని వారు ఆరోపణలు చేస్తున్నారు. వీటితోపాడు కోతులు కూడా తమ ప్రతాపాన్ని ప్రజలపై చూపిస్తున్నాయని వారు ఆవేదన వ్యక్తం చేస్తున్నారు.

రోజుకు 400మందికిపైగా ఈ కుక్కలు, కోతుల బారినపడి, గాయపడుతున్నట్లు యూపీ ప్రభుత్వం గణాంకాలు చేసిమరీ చెబుతోంది. వీటి బారినపడి ప్రమాదానికి గురైన వందలాదిమంది ప్రజలు వివిధ ప్రభుత్వాసుపత్రుల్లో యాంటీ రేబీస్ టీకాలు వేయించుకుని, చికిత్స పొందుతున్నారని తెలిపారు.

ఈమేరకు సంబంధిత విషయాల గురించి యూపీ అసెంబ్లీలో ఆరోగ్య మంత్రి అయిన శంఖ్ లాల్ మంఝి వెల్లడించారు. అసెంబ్లీలో ఇరుపక్షాల మధ్య వాగ్యుద్ధం జరుగుతున్న నేపథ్యంలో బీజేపీ ఎమ్మెల్యే శ్యామ్ దేవ్ రాయ్ చౌధరీ అడిగిన ఓ ప్రశ్నకు జవాబిస్తూ ఇలా వివరాలు తెలిపి... బీజేపీని నిట్టనిలువున అగౌరవపరిచారు.

‘‘నాకు ప్రధానమంత్రి పదవి దక్కేలా చేస్తే... దేశాన్ని అభివృద్ధి బాటలో నడుపుతాను’’ అని చెప్పిన నరేంద్రమోడీ... ఇప్పుడు ఆయన నియోజకవర్గంలోనే కుక్కలు, కోతులూ బహిరంగంగా ప్రజలపై దాడి చేస్తుంటే... చర్యలు ఎందుకు తీసుకోవడం లేదని కొంతమంది విశ్లేషకులు ఆయన మీద తీవ్రంగా విమర్శలు గుప్పిస్తున్నారు.