ధోనీ సంతకం పై కోర్టు సీరియస్!

Posted: 07/08/2014 08:30 AM IST

Anantapur court serious on dhoni signature

అనంతపురం జిల్లా కోర్టు ఇచ్చిన వారెంట్ కు సమాధానం చెప్పేందుకు భారత క్రికెట్ కెప్టెన్ ధోనీ లాయర్ ఈ రోజు కోర్టుకు హాజరయ్యారు. ఢిల్లీ నుంచి వచ్చిన లాయర్ పంకజ్ ధోనీ తరఫున వకాలత్ దాఖలు చేయాలనుకున్నారు. కానీ ధోనీ సంతకం సరిగా లేదని., కోర్టు సీరియస్ అయ్యి, సరైన పద్దతిలో వకాలత్ దాఖలు చేయాలని కోర్టు సూచించడంతో.. వెనుదిరిగి వెళ్లిపోయారు.

2013 జూన్ లో బిజినెస్ టుడే పత్రికలో విష్ణుమూర్తి అవతారంలో ఉన్న ధోనీ.. చేత్తో షూ పట్టుకొని ఉండటంపై విహెచ్ పీ కార్యకర్తలు అనంత కోర్టులో ప్రైవేటు కేసు దాఖలు చేసిన విషయం తెలిసిందే. మూడు సార్లు సమన్లు పంపినా ధోనీ కోర్టుకు హాజరు కాకపోవడంతో.. ఈ నెల 16 లోపు కోర్టుకు హాజరు కాకపోతే.. అరెస్టు చేయాలని కోర్టు ఆదేశించింది. ఈ నేపథ్యంలో ధోనీ లాయర్ పంకజ్ కోర్టుకు హాజరయ్యారు.