ధోనీకి నాన్ బెయిలబుల్ వారెంట్ జారీ చేసిన కోర్టు

Posted: 07/16/2014 01:25 PM IST

Anantapur court issues non bailable warrant to ms dhoni

భారత క్రికెట్ కెప్టెన్ మహేంద్రసింగ్ ధోనీ మరోసారి చిక్కుల్లో పడ్డాడు. గతంలో ప్రముక ఆంగ్ల మాసపిత్రక అయిన బిజినెస్ టుడేలో ధోనీనీ విష్ణమూర్తి అవతారంలో వారు ముద్రించారు. అంతేకాకుండా ఆ ఫోటోలో ధోనీ చేతిలో కూల్ డ్రింకులు, బూస్ట్ డబ్బా, బూట్లు, లేస్ ప్యాకెట్లు ఇంకా తదితర వస్తువులను వుంచారు. దీంతో ఆగ్రహించిన విశ్వహిందూ పరిషత్... ధోనీ హిందువుల మనోభావాలను గాయపరిచాడని, దానిపై ధోనీ వివరణ ఇవ్వాల్సిందిగా కోరుతూ అనంతపురం జిల్లా శాఖ కోర్టులో కేసు వేశారు.

ఇందులో భాగంగానే ధోనీ అనంతపురం కోర్టుకు హాజరు కావాల్సి వుంది. కానీ ఆయన ఇంగ్లండ్ టూర్ లో బిజీగా వుండటం వల్ల... అతని తరఫు లాయర్లు కోర్టుకు హాజరయ్యారు. గతంలో రెండుసార్లు కోర్టు అతనికి హాజరు కావాల్సిందిగా సమన్లు జారీ చేసినా... అప్పుడు కూడా అతను హాజరు కాలేదు. ఇప్పుడు మూడోసారి సమన్లు జారీ చేసినా కోర్టుకు హాజరు కాకపోవడం వల్ల అతనికి నాన్ బెయిలబుల్ వారెంట్ ను జారీ చేసింది. ఇప్పుడు ఈ సమస్య నుంచి ధోనీ ఎలా గట్టెక్కుతాడోనని అభిమానులు ఎదురుచూస్తున్నారు.