‘‘నిత్య’’కు మగాడి పరీక్షలు ఖాయం!

Posted: 07/28/2014 10:18 AM IST

నిత్య అంటే సినిమాల్లో హీరోయిన్ గా నటించే నిత్యామీనన్ కాదులెండి... వివాదాస్పద ఆధ్యాత్మిక గురువైన నిత్యానందునికి! గతంలో నిత్యానందుడు ఒక మహిళను లైంగికంగా వేధించాడని కేసు వేసిన నేపథ్యంలో... ‘‘అసలు నేను పురుషుడినే కాను.. అసలు నాలో పురుషత్వ లక్షణాలు లేవు’’ అని చెప్పడం కారణంగా కర్నాటక హైకోర్టు ఇతనికి మగాడి పరీక్షలు నిర్వహించాల్సిందిగా ఆర్డర్ ఇచ్చింది. ఇందుకు సంబంధించి నిత్య తనకు పురుషత్వ పరీక్షలు నిర్వహించకూడదంటూ పిటిషన్ కూడా పెట్టుకున్నాడు. కానీ హైకోర్టు దానిని తిరస్కరించింది.

కోర్టు ఆదేశాలప్రకారం... నిత్యానందునికి ఆగస్టు 6వ తేదీన ఎటువంటి పరిస్థితుల్లోనైనా పురుషత్వ పరీక్షలు నిర్వహించాలని నిర్ణయించారు. ఇందుకు తగినట్లు సీఐడీ అధికారులు ఆదివారం నోటీసులు కూడా జారీ చేశారు. ఒకవేళ అతను పరీక్షలకు హాజరుకాని పక్షంలో కఠిన చర్యలు తప్పవని హెచ్చరించారు. అంటే త్వరలోనే నిత్యానందుడి అసలు భాగోతం సాంకేతికంగా బయటపడే రోజులు త్వరలోనే తెలియనుందన్నమాట!

గతంలో ఇతను సినీనటి రంజితతో రాసలీలలు చేసిన వీడియోలు లీక్ అయిన సంగతి తెలిసిందే! అవి అప్పట్లో పెద్ద దుమారం రేపడమే కాకుండా.. తామిద్దరం అటువంటి వ్యవహారాలు తమ మధ్య నడవలేదని చెప్పుకోవడంతోపాటు కోర్టులో పిటిషన్లు కూడా దాఖలు చేసుకున్నారు. ఇక చూసుకోండి.. అప్పటి నుంచి వీరిద్దరి వ్యవహారం ఇలా వివాదాస్పదంగానే కోర్టుల చుట్టూ తిరుగుతూనే వుంది. చివరికి ఈ పురుషత్వ పరీక్షల దగ్గర ఆగింది. మరీ ఈ విషయం ఎంతవరకు సాగుతుందో..?